پەیامی سەڵاح كوێخا سەرپەرشتیاری ئیدارەی گەرمیان لە جەژنی قوربانی پیرۆزدا
3 / 10 / 2014
بە بۆنەی هاتنی جەژنی قوربانی پیرۆزەوە سەڵاح كوێخا سەرپەرشتیاری ئیدارەی گەرمیان، لە پەیامێكیدا پیرۆزبای خۆی ئاراستەی تەواوی موسڵمانانی كوردستان بە گشتی و كەس و كاری شەهیدان و هێزەكانی پێشمەرگە بە تایبەتی دەكات و هیواش دەخوازێت ئەم جەژنە ببێتە هەوێنی ئاشتی و ئارامی نەمانی جەنگ و بەرەو پێشچوونی ئازادی و سەربەخۆی كوردستان.
پەیامی پیرۆزبایی سەرپەرشتیاری ئیدارەی گەرمیان بە بۆنەی هاتنی چەژنی قوربانی پیرۆز
بە ناوی خوای گەورە و میهرەبانەوە
بە بۆنەی هاتنەوەی جەژنی قوربانی پیرۆزەوە، پیرۆزبایی خۆمان ئاراستەی تەواوی موسڵمانانی جیهان و كوردستان و گەرمیان بە گشتی و كەس و كاری شەهیدان و برا پێشمەرگەكانمان بە تایبەتی دەكەین.
داواكارین لە خودای مەزن، ئەم جەژنە بكاتە هەوێنی ئاشتی و ئارامی و گیانی برایەتی و یە كتر قبوڵكردن لە نێوان هەموو پێكهاتە و مەزهەب و ئاینەكانی گەلانی جیهان، بە رەحمەت و بەرەكەتی خۆی كوردستان و گەلەكەمان لە هەر ئاشوب و وێرانەی ناحەزان بپارێزیت و پێشمەرگە و برا و رۆڵە قارەمانەكانمان لە سەنگەری بەرگری لە كەرامەت و پاراستنی نیشتیمانەكەمان دا سەربخات و هەمیشە سەربڵندیان بكات.
هەر لێرەشەوە سەری رێزونەوازش بۆ شەهیدان و كەسوكارە سەربەرزەكانیان نەوی دەكەین كە لە پێناو ئازادی و سەربەخۆیی كوردستان گیانی خۆیان كردە قوربانی.
هەر بەم بۆنەیەوە، پیرۆزبایی خۆمان ئاراستەی حاجیان و كەسوكارە ئازیزەكانمان دەكەین ، كە بە مەبەستی بە جێهێنانی فەریزەی حەج روویان لە ماڵی خودا و كە عبەی پیرۆز كردوە و ئەم فەریزەیان لێ قبوڵ بكات و بە سەلامەتی بگەرێنەوە ناومان.
دووبارە پیرۆز بێت جەژنی قوربانی پیرۆز لە موسڵمانان
سەلاح كویخا سەرپەرشتیاری ئیدارەی گەرمیان 3/ 10/ 2014
412 جار خوێندراوهتهوه |
|
|
|