گهرمیان: زیاتر له یهك تریلیۆن و 36 ملیار دینار بۆ پرۆژهكان تهرخانكراوه
31 / 12 / 2014
ئهمڕۆ (31ی كانوونی یهكهم) به ئامادهبوونی قایمقامی قهزای كهلار و كفری و بهڕێوهبهره گشتییهكانی گهرمیان و ژمارهیهك له بهڕێوهبهرهكان له دیوانی ئیدارهی گهرمیان، جێگری سهرپهرشتیاری ئیدارهی گهرمیان بۆ كاروباری هونهری له كۆنگرهیهكی رۆژنامهنوسیدا پوختهی پرۆژه خزمهتگوزارییهكانی سنوری ئیدارهی گهرمیانی له ماوهی چوار ساڵدا خستهڕوو كه خۆی دهبینێتهوه له 527 پرۆژه له سێكتهره جیاوازهكاندا.
یونس ئهحمهد جێگری سهرپهرشتیاری ئیدارهی گهرمیان له كۆنگره رۆژنامهوانیهكهدا رایگهیاند: له ماوهی چوار ساڵی رابردوودا واتا له ساڵانی (2011، 2012، 2013، 2014 ) حكومهتی ههرێمی كوردستان له قهزا و ناحیهكانی سنوری ئیدارهی گهرمیان بودجهی بۆ 527 پرۆژهی جۆراوجۆری له سنورهكهدا تهرخان كردووه، كه خۆی دهبینێتهوه له (یهك تریلیۆن و 36 ملیار و 374 ملیۆن و 414 ههزار دینار).
ووتیشی: له كۆی ئهو 527 پرۆژهیه 297 پرۆژهی به گوژمهی ( 248 ملیار و 131 ملیۆن و 230 ههزار دینار) جێبهجێكراوه له بهرامبهر ئهوهشدا، له كۆی پرۆژهكان 230 پرۆژهی تا ئێستا بهردهوامه و بڕی ( 788 ملیار و 243 ملیۆن و 184 ههزار دینار)ی بۆ تهرخان كراوه.
یونس ئهحمهد جێگری سهرپهرشتیاری ئیدارهی گهرمیان ئاشكراشیكرد، كۆی ئهو بڕه پارهیه له چوارچێوهی بودجهكانی (پهرهپێدانی پارێزگاكان، تهواوكاری نهوتی یهك و دوو، وهبهرهێنان، بوژاندنهوهی گهرمیان، پهرهپێدانی ناوچه جیاجیاكانی ههرێمی كوردستان، ناوچه كوردستانییهكانی دهرهوهی ئیدارهی ههرێم، بهكاربردن) بۆ پرۆژهكانی سنوری ئیدارهی گهرمیان له ههموو سێكتهرهكان دابینكراوه.
راشیگهیاند: بههۆی كێشهی دارایی ههرێم و جهنگی تیرۆریستانی داعش جێبهێكردنی بهشێك له پرۆژهكان دواكهتووه و ئومێد دهكهین له ساڵی داهاتوودا بهسهركهوتووانه جێبهێبكرێن.
540 جار خوێندراوهتهوه |
|