ئه‌ندامێكی لیژنه‌ی باڵای ئابوری ئیداره‌ی گه‌رمیان ئاشكرایده‌كات، له‌ سبه‌ینێوه‌ پرۆسه‌ی كه‌مكردنه‌وه‌ی نرخی كرێی خانوو و دوكان و شمه‌كه‌كان ده‌چێته‌ بواری جێبه‌جێكردنه‌وه‌.

حیكمه‌ت ئه‌حمه‌د ئه‌ندامی لیژنه‌ی باڵای ئابووری ئیداره‌ی گه‌رمیان كه‌ هاوكات به‌ڕێوه‌به‌ری چاودێری بازرگانی گه‌رمیانه‌ به‌ سایتی (ئیداره‌ی گه‌رمیان)ی راگه‌یاند: له‌ ماوه‌ی رابردوودا لیژنه‌ی باڵای ئابووری ئیداره‌ی گه‌رمیان به‌هۆی ئه‌و قه‌یرانه‌ی رووی له‌ هه‌رێمی كوردستان كردووه‌ كۆبوونه‌وه‌ی خۆی ئه‌نجامدا و بڕیاریدا نرخی كرێی خانوو و دوكان و چه‌ند شمه‌كێك دابه‌زێنێت.

ووتیشی: له‌ سبه‌ینێوه‌ (7ی ئازار) پرۆسه‌ی كه‌مكردنه‌وه‌ی نرخی كرێی خانوو و دوكان و شمه‌كه‌كان ده‌چێته‌ بورای جێبه‌جێكردنه‌وه‌ هه‌ركه‌سێكیش پێوه‌ی پابه‌ند نه‌بێت به‌پێ یاسا سزا ده‌درێت.

ئه‌ندامه‌كه‌ی لیژنه‌ی باڵای ئابووری ئیداره‌ی گه‌رمیان راشیگه‌یاند: ئه‌و هاوڵاتیانه‌ی نرخه‌كانیان بۆ كه‌م ناكرێته‌وه‌ ده‌توانێت سه‌ردانی به‌ڕێوه‌به‌رایه‌تی چاودێری بازرگانی گه‌رمیان بكه‌ن بۆ ئاگاداركردنه‌وه‌یان.