ده‌قی په‌یامه‌كه‌:

پەیامی سەرپەرشتیاری ئیدارەی گەرمیان بەبۆنەی جەژنی قوربان

بەبۆنەی هاتنەوەی جەژنی پیرۆزی قوربان، بەناوی ئیدارەی گەرمیان و سەرجەم یەکە ئیدارییەکانی سنورەکە، پیرۆزبایی خۆمان ئاراستەی خانەوادەی سەربەرزی شەهیدان و پێشمەرگە قارەمانەکان لە بەرەکانی جەنگ و هاوڵاتیان و چین و توێژە جیاوازەکان دەکەین.

لەم جەژنە پیرۆزەدا داواکارین لە خوای گەورە حەجی حاجیانمان قبوڵ بکات و خێر و بەرەکەتی خۆی بەسەر ووڵاتەکەماندا ببارێنێت و ئاشتی و ئارامی و خۆشگوزەرانی لە کوردستانەکەماندا بەرقەرار بێت.

هیواش دەخوازین ئەم جەژنە ببێتە هەوێنی ئاشتەوایی نیشتمانی و لایەنەسیاسییەکان لە پێناو بەرژەوەندی گشتی، ناکۆکییەکانیان بەلاوە بنێن و بگەنە رێککەوتن، تا چیتر ئەو کێشەو قەیران و گرفتانەی لە وڵاتەکەماندا دروست بوون چارەسەر ببن و هاونیشتمانان بە خۆشی بژین.

 دووبارە پیرۆزبێت جەژنی قوربان هەموو لایەک لە خۆشیدا بن

سەلاح کوێخا

سەرپەرشتیاری ئیدارەی گەرمیان

۱۱/۹/۲٠۱٦