ده‌رباره‌ی ئیداره‌ی گه‌رمیان لینکی په‌یوه‌ندیدار ئه‌رشیف په‌یوه‌ندی
وەزیری کارو کاروباری کۆمەڵایەتی حکومەتی هەرێم سەردانی ئیدارەی گەرمیانی کرد سەرپەرشتیاری ئیدارەی گەرمیان پێشوازیکرد لە راوێژکاری سەرۆکی یەکێتی سەرپەرشتیاری ئیدارەی گەرمیان لیژنەی تایبەت بە وەرگرتنی سامپڵی (DNA) لە کەسوکاری ئەنفالکراوان بەسەردەکاتەوە
شاندێكی ئیداره‌ی گه‌رمیان سه‌ردانی ئێران ده‌كات ‌

7 / 11 / 2016

رۆژی (6ی تشرینی دووه‌م) به‌مه‌به‌ستی په‌ره‌پێدانی په‌یوه‌ندییه‌ بازرگانییه‌كان و چاره‌سه‌ركردنی كێشه‌ و گرفته‌كانی مه‌رزی په‌روێزخان، شاندێكی ئیداره‌ی گه‌رمیان به‌ سه‌رپه‌رشتی جێگری سه‌رپه‌رشتیاری ئیداره‌ی و به‌ ئه‌ندامێتی به‌ڕێوه‌به‌ری مه‌رزی په‌روێزخان و گومركی گه‌رمیان و به‌رپرسی فه‌رمانگه‌كانی مه‌رزه‌كه‌ و به‌رپرسی ژووری بازرگانی سلێمانی و نوێنه‌ری بازرگانانی گه‌رمیان ، سه‌ردانی قه‌زای قه‌سری شیرینی كۆماری ئیسلامی ئێرانی كرد و له‌گه‌ڵ قایمقامی قه‌زاكه‌ و سه‌ركونسوڵگه‌ری كۆماری ئیسلامی ئێران له‌ سلێمانی و نوێنه‌ری پارێزگای كرماشان و به‌رپرسانی ئێران له‌ مه‌رزی په‌روێزخان كۆبوویه‌وه‌.

له‌ كۆبوونه‌وه‌كه‌دا، فڵامه‌رز ئه‌كبه‌ری قایقمقامی قه‌زای قه‌سری شیرینی سه‌ربه‌ پارێزگای كرماشان رایگه‌یاند: به‌هۆی ئه‌و پێگه‌ جوگرافییه‌ی كه‌ هه‌یه‌ پارێزگای كرماشان په‌یوه‌ندییه‌كی دێرینی له‌گه‌ڵ هه‌رێمی كوردستان هه‌یه‌ و بوونی مه‌رزی په‌روێزخانیش وایكردووه‌ ئه‌و په‌یوه‌ندییه‌ به‌ به‌رده‌وامی له‌ گه‌شه‌كردندا بێت ئه‌مڕۆش خۆشحاڵین جارێكی تر له‌گه‌ڵ شاندی ئیداره‌ی گه‌رمیان كۆده‌بینه‌وه‌.

ووتیشی: ئێمه‌ له‌ پارێزگای كرماشان زۆرمان پێ باشه‌ ئه‌م جۆره‌ كۆبوونه‌وه‌ و دیدارنه‌ له‌ نێوان هه‌ردولا به‌ به‌رده‌وامی ئه‌نجام بدرێن چونكه‌ ده‌بێته‌ هۆی چاره‌سه‌ركردنی ئه‌و كێشه‌ و گرفتانه‌ی له‌ مه‌رزی په‌روێزخان دێنه‌ ئاراوه‌.

هاوكات، سه‌عدوڵا مه‌سعودیان سه‌ركونسوڵگه‌ری كۆماری ئیسلامی ئێران له‌ سلێمانی رایگه‌یاند:  مه‌رزی
 په‌روێزخان یه‌كێكه‌ له‌ مه‌رزه‌ گرنگه‌كان به‌لای كۆماری ئیسلامی ئێرانه‌وه‌، هه‌رچه‌نده‌ جگه‌ له‌م مه‌رزه‌ ژماره‌یه‌كی تر مه‌رزمان له‌گه‌ڵ هه‌رێمی كوردستان هه‌یه‌، به‌ڵام به‌ رێژه‌ی 47% بازرگانی هه‌رێم و كۆماری ئیسلامی ئێران له‌ رێگه‌ی مه‌رزی په‌روێزخانه‌ ده‌كرێت.
ووتیشی "ئه‌و جموجوڵه‌ گه‌وره‌ بازرگانییه‌ی له‌ رێگه‌ی مه‌رزی په‌روێزخانه‌وه‌ ده‌كرێت وایكردووه‌ هه‌ر كێشه‌ و گرفتێك له‌ مه‌رزه‌كه‌ هه‌بێت كۆماری ئیسلامی ئێران به‌ززترین كات كار بۆ چاره‌سه‌ركردنیان بكات".

دوابه‌دوای ئه‌وه‌ش عه‌بدوڵا ئه‌نوه‌ر جێگری سه‌رپه‌رشتیاری ئیداره‌ی گه‌رمیان و سه‌رۆكی شانده‌كه‌ی ئیداره‌ی گه‌رمیان رایگه‌یاند "به‌نیسبه‌ت ئێمه‌شه‌وه‌ مه‌رزی نێوده‌وڵه‌تی په‌روێزخان گرنگی تایبه‌تی هه‌یه‌ و بۆته‌ سه‌رچاوه‌یه‌كی باشی داهات بۆ هه‌رێمی كوردستان، بۆیه‌ هه‌میشه‌ له‌ هه‌وڵدا ده‌بین بۆ زیاتر گه‌شه‌پێدانی مه‌رزه‌كه‌ و چاره‌سه‌ركردنی كێشه‌كانی".

جێگری سه‌رپه‌رشتیاری ئیداره‌ی گه‌رمیان باسی له‌وه‌شكرد، بوونی كۆبوونه‌وه‌ی به‌رده‌وامی هه‌ردولا سودێكی باشی ده‌بێت بۆ گه‌شه‌پێدانی مه‌رزه‌كه‌ و چاره‌سه‌ركردنی ئه‌و كێشه‌ و گرفتانه‌ی رۆژانه‌ دێنه‌ پێشه‌وه‌ هیواشی خواست، كۆیوونه‌وه‌كان به‌رده‌وام ببن و تا ئه‌و راده‌یه‌ی لیژنه‌یه‌ك له‌ به‌رپرسانی مه‌رز له‌ هه‌ردولا پێكبهێنرێت بۆ هه‌ر پێشهاتێك كۆبوونه‌وه‌ ئه‌نجام بده‌ن.

دواتر، جێگری سه‌رپه‌رشتیاری ئیداره‌ی گه‌رمیان باسی له‌و كێشه‌ و گرفتانه‌ كرد له‌ مه‌رزی په‌روێزخاندا بوونیان هه‌یه‌، داوای كرد لایه‌نی كۆماری ئیسلامی ئێران كار له‌سه‌ر جێبه‌جێكردنیان بكات، هاوكات ئه‌ندامانی شانده‌كه‌ به‌ ووردی تیشكیان خسته‌سه‌ر كێشه‌ و گرفته‌كان كه‌ رۆژانه‌ له‌كاتی كاركردندا دێنه‌ به‌رده‌میان.

دوابه‌ودوای ئه‌وه‌ش، لایه‌نی كۆماری ئیسلامی ئێران چه‌ندین كێشه‌ و گرفت و داواكارییان خسته‌ڕوو و، به‌ووردی تاوتوێی سه‌رجه‌م ئه‌و كێشه‌ و گرفت و پێشنیار و پرسانه‌ كرا كه‌ خرانه‌ڕوو، دوای گه‌یشتنه‌ ئه‌نجامیش، لێكتێگه‌یشتنێك له‌ نێوان هه‌ردوولا ئیمزا كرا.

‌ 497 جار خوێندراوه‌ته‌وه
ڕاپۆرت
فیستیڤاڵی شعریی پەروەردەی کفری بەڕێوەچوو
سەرپەرشتیاری ئیدارەی گەرمیان پێشوازیکرد لە شاندێکی کۆماری ئیسلامی ئێران
سەرپەرشتیاری ئیدارەی گەرمیان سەردانی بانکی ناوەندی هەرێم لە سلێمانی دەکات
هاوکارییەکانی کەمپینی ئیدارەی گەرمیان و رێکخراوەکان، بۆ رۆژاوای کوردستان بەڕێکرا
بەئامادەبوونی سەرپەرشتیاری ئیدارەی گەرمیان سیستمی ئەلیکترۆنی مۆڵەتی شۆفێری لە گەرمیان خرایە خزمەتی هاوڵاتیان


نرخی دراو دیناری عێڕاقی
گه‌رمیان له‌ میدیاكاندا
یه‌که‌ ئیدارییه‌کان
Idaray Garmyan copyright 2012 All Rights Reserved
Developed by Avesta Group and powered by Microsoft Azure