ده‌رباره‌ی ئیداره‌ی گه‌رمیان لینکی په‌یوه‌ندیدار ئه‌رشیف په‌یوه‌ندی
وەزیری کارو کاروباری کۆمەڵایەتی حکومەتی هەرێم سەردانی ئیدارەی گەرمیانی کرد سەرپەرشتیاری ئیدارەی گەرمیان پێشوازیکرد لە راوێژکاری سەرۆکی یەکێتی سەرپەرشتیاری ئیدارەی گەرمیان لیژنەی تایبەت بە وەرگرتنی سامپڵی (DNA) لە کەسوکاری ئەنفالکراوان بەسەردەکاتەوە
سه‌رپه‌رشتیاری ئیداره‌ی گه‌رمیان: پێویسته‌ هاوشێوه‌ی كه‌لار پرۆژه‌ی نیشته‌جێبوون له‌ کفرى جێبه‌جێبكرێت ‌

14 / 5 / 2017

ئه‌مڕۆ (14ی ئایار) به‌مه‌به‌ستی ئه‌نجامدانی پرۆژه‌ی نیشته‌جێبوون له‌ قه‌زای كفری، سه‌رپه‌رشتیاری ئیداره‌ی گه‌رمیان له‌گه‌ڵ لایه‌نه‌ په‌یوه‌ندیدار كۆبوویه‌وه‌.

له‌ كۆبوونه‌وه‌كه‌دا، كه‌ هه‌ریه‌كه‌ له‌ جێگری سه‌رپه‌رشتیاری ئیداره‌ی گه‌رمیان و قایمقامی قه‌زای كفری و به‌ڕێوه‌به‌ری گشتی شاره‌وانییه‌كانی گه‌رمیان و به‌ڕێوه‌به‌ری وه‌به‌رهێنانی گه‌رمیان و سه‌رۆكی شاره‌وانی كفری ئاماده‌ی بوون، سه‌ڵاح كوێخا سه‌رپه‌رشتیاری ئیداره‌ی گه‌رمیان رایگه‌یاند: كفری یه‌كێكه‌ هه‌ره‌ دێرین و گرنگ و پڕبایه‌خه‌كانی گه‌رمیان بۆیه‌ پێویسته‌ هاوشێوه‌ی كه‌لار، پرۆژه‌ی وه‌به‌رهێنانی به‌گشتی تێدا ئه‌نجامبدرێت، له‌ پێناو خزمه‌تكردنی هاوڵاتیان و چینی كرێنشینی قه‌زاكه‌ش پرۆژه‌ی نیشته‌جێبوونی تێدا ئه‌نجامبدرێت.

 ووتیشی: له‌ ماوه‌ی رابردوودا له‌ گه‌رمیاندا پێنج پرۆژه‌ی وه‌به‌رهێنان بۆ نیشته‌جێبوون پێشكه‌شكراوه‌ و له‌ ئێستادا ئه‌نجومه‌نی باڵای وه‌به‌رهێنان ره‌زامه‌ندی پیشانداوه‌ له‌سه‌ر سێ پرۆژه‌یان له‌ كه‌لار جێبه‌جێبكرێت، لێره‌وه‌ كار بۆ ئه‌وه‌ ده‌كه‌ین یه‌كێك له‌و دوو پرۆژه‌ی كه‌ ماوه‌ته‌وه‌ و مۆڵه‌تی وه‌رنه‌گرتووه‌ له‌كفری جێبه‌جێبكرێت.

سه‌رپه‌رشتیاری ئیداره‌ی گه‌رمیان روونیشیكرده‌وه‌، له‌ دیداری هه‌فته‌ی رابردووی جێگری سه‌رۆكی حكومه‌تی هه‌رێم ئه‌و پرسه‌ تاوتوێكراوه‌ و لای خۆیه‌وه‌ جێگری سه‌رۆكی حكومه‌ت پێشنیاری ئیداره‌ی گه‌رمیانی به‌هه‌ند وه‌رگرتووه‌ و به‌ڵێنی داوه‌ كاری له‌سه‌ر بكات. 

دواتر، به‌شداربووانی كۆبوونه‌وه‌ پاش تاوتوێكردنی پرسه‌كه‌ و جه‌ختیان له‌وه‌كرده‌وه‌ یه‌كێك له‌ پرۆژه‌كان له‌
 كفری ئه‌نجامبدرێت و سه‌رۆكایه‌تی شاره‌وانی كفریش راسپێردرا زه‌وی پێویست بۆ ئه‌و مه‌به‌سته‌ دابینبكات.

‌ 528 جار خوێندراوه‌ته‌وه
ڕاپۆرت
فیستیڤاڵی شعریی پەروەردەی کفری بەڕێوەچوو
سەرپەرشتیاری ئیدارەی گەرمیان پێشوازیکرد لە شاندێکی کۆماری ئیسلامی ئێران
سەرپەرشتیاری ئیدارەی گەرمیان سەردانی بانکی ناوەندی هەرێم لە سلێمانی دەکات
هاوکارییەکانی کەمپینی ئیدارەی گەرمیان و رێکخراوەکان، بۆ رۆژاوای کوردستان بەڕێکرا
بەئامادەبوونی سەرپەرشتیاری ئیدارەی گەرمیان سیستمی ئەلیکترۆنی مۆڵەتی شۆفێری لە گەرمیان خرایە خزمەتی هاوڵاتیان


نرخی دراو دیناری عێڕاقی
گه‌رمیان له‌ میدیاكاندا
یه‌که‌ ئیدارییه‌کان
Idaray Garmyan copyright 2012 All Rights Reserved
Developed by Avesta Group and powered by Microsoft Azure