پرسەنامەی سەرپەرشتیاری ئیدارەی گەرمیان بەبۆنەی کۆچی دوایی نەوشیروان مستەفا
19 / 5 / 2017
به داخ و پەژارەیەکی زۆرەوە سەرلەبەیانی ئەمڕۆ (۲٠۱۷/۵/۱۹) نەوشیروان مستەفا ئەمین رێکخەری گشتی بزوتنەوەی گۆڕان کۆچی داویی کرد، بەم بۆنە خەمناکەوە پرسە و سەرخۆشی خۆمان ئاراستەی بنەماڵەکەی و ئەندام و لایەنگرانی بزوتنەوەی گۆڕان دەکەین. كاك نەوشیروان مستەفا سەرکردەیەکی خەباتگێڕ و سیاسەتمەدارێکی لێهاتوو و نوسەرێکی بەسەلیقە و خاوەن ئەزموون و پیاوی رۆژە سەختەکانی مێژووی خەبات و تێکۆشانی گەلەکەمان بوو، کۆچی دوایی خەسارەتێکی گەورەیە بۆ گەلەکەمان، ئومێد دەکەین ئەم کۆستە گەورەیە ببێتە هەوێنی ئارامی و ئاشتی سیاسی.
درود بۆ روحی بەرزە فڕی کاک نەشیروان و داواکارین لە خوای بەخشندە و میهرەبان بە بەهەشتی بەرین شادی بکات و سەبوری خانەوادەکەی و هەموو لایەک بداتەوە.
اناللە و انا اليه راجعون
سەڵاح كوێخا سەرپەرشتیاری ئیدارەی گەرمیان ۲٠۱۷/۵/۱۹
256 جار خوێندراوهتهوه |
|
|
|