قایمقامی کفری:داوای لێبوردن لەو قسانە دەکەم بۆتەهۆی بیزارکردنی سەرپەرشتیاری ئیدارەی گەرمیان
9 / 8 / 2017
ئەمڕۆ (۹ی ئاب) لە رونکردنەوەیەکدا کە وێنەیەکی بۆ سایتی ئیدارەی گەرمیان ناردووە، قایمقامی قەزای کفری رایدەگەیەنێت، پرسی دەستلەکارکێشانەوەی لە لایەن سایت و کەناڵەکان گەورە کراوەتەوە. لەبەشیکی تری رونکردنەوەکە هاتووە " بەناوی منەوە قسە و تەشهیریان داوەتە پاڵ بەڕێز سەرپەرشتیاری ئیدارەی گەرمیان بۆیە من هەموو ئەو قسە و قسەڵۆکانە رەتدەکەمەوە و داوای لێبوردن لە هەموو ئەو قسانە دەکەم بۆتە هۆی بێزارکردنی بەڕێزیان".
دەقی روونکردنەوەکە:
روونکردنەوەیەک لە قایمقامی قەزای کفرییەوە بە وەکالەت دوای دەستلەکارکێشانەوەم لە ۲٠۱۷/٦/۲٠ لە قایمقامیەتی قەزای کفری لە هەندێ سایت و کەناڵەکانی راگەیاندن ئەم بابەتەیان زیاتر لە قەبارەی خۆی گەورە کردەوەتەوە، بەناوی منەوە قسە و تەشهیریان داوەتە پاڵ بەڕێز سەرپەرشتیاری ئیدارەی گەرمیان بۆیە من هەموو ئەو قسە و قسەڵۆکانە رەتدەکەمەوە و داوای لێبوردن لە هەموو ئەو قسانە دەکەم بۆتە هۆی بێزارکردنی بەڕێزیان.
راگەیاندنی قایمقامیەتی قەزای کفری
795 جار خوێندراوهتهوه |
|
|
|