ئەمڕۆ (۱۸ی تشرینی یەکەم) ڕیکخراوی ھاندیکاپ بەمەبەستی پرسیارکردن لە دۆخی ئەمنی ناوچەکەو ئەو ڕووداوانەی لە دو ڕۆژی ڕابردوودا ڕویاندا سەردانی ئیدارەی گەرمیانی کرد و لای خۆیەوە سەرپەرشتیاری ئیدارەکە دڵنیایی پێدان کە گەرمیان هیچ مەترسیەک لە ئارادا نیە.

لە دیداریدا لەگەڵ نوێنەری رێکخراوەکە، سەڵاح کوێخا سەرپەرشتیاری ئیدارەی گەرمیان، بەووردی باسی رووداوەکان و رەوشی ئەمنی ناوچەکە کرد و رایگەیاند، ئەو رووداوانەی دوێنێ لە سنوری ئیدارەی گەرمیان رویداوە هیچ کاریگەرییەکی نەکردۆتە سەر دۆخی ئەمنی ناوچەکە و هاوڵاتیان ژیانی ئاسایی خۆیان دەگوزەرێنن یەوەشی کەرووی داوە ب گفتوگۆ چارەسەرکراوە.

ووتیشی، سەرجەم ئەو رێکخراوانە دڵنیادەکەینەوە کە لە سنوری ئیدارەی گەرمیان کاردەکەن کە هیچ مەترسیەک لە ئارادا نیە و ئاسایش و ئەمنیەتیان پارێزراوە.

ھاوکات سەرپەرشتیاری ئیدارەی گەرمیان  پێ ی ڕاگەیاندن، کە لەئێستادا ژمارەیەکی زۆر خێزانی خورماتوو بەهۆی بارگرژیەکانەوە، ئاوارەی ناوچەکانی کەلارو کفری و دەشتی زینانە بوون و پێویستیان بەکۆمەک و ھاوکاری مرۆیی ھەیەو پێویستە ھەرچی زووە  ئاوڕیان لێبدرێتەوەو ئیدارەی گەرمیانیش لەوپێناوەدا ئامادەی گشت پاڵپشتیەکە.

لەبەرامبەردا، نوێنەری هاندیکاپ، سوپاسی ئیدارەی گەرمیانی کرد بۆ دڵنیایپێدانیان و ئەو هاوکاری هەماهەنگییەی لەماوەی کارکردنیاندا لەسنورەکە لەگەڵیاندا هەبووە.