ده‌رباره‌ی ئیداره‌ی گه‌رمیان لینکی په‌یوه‌ندیدار ئه‌رشیف په‌یوه‌ندی
وەزیری کارو کاروباری کۆمەڵایەتی حکومەتی هەرێم سەردانی ئیدارەی گەرمیانی کرد سەرپەرشتیاری ئیدارەی گەرمیان پێشوازیکرد لە راوێژکاری سەرۆکی یەکێتی سەرپەرشتیاری ئیدارەی گەرمیان لیژنەی تایبەت بە وەرگرتنی سامپڵی (DNA) لە کەسوکاری ئەنفالکراوان بەسەردەکاتەوە
رێگه‌ نادرێت كڕین و فرۆشتن به‌ خانوه‌كانی لانه‌سیتی بكرێت ‌

29 / 11 / 2017

ئه‌مڕۆ (29ی تشرینی دووه‌م) به‌مه‌به‌ستی رێگریكردن له‌ كڕین و فرۆشتن به‌ یه‌كه‌كانی پرۆژه‌ی لانه‌سیتی له‌ كه‌لار، له‌ كه‌لار سه‌رپه‌رشتیاری ئیداره‌ی گه‌رمیان له‌گه‌ل لایه‌نه‌ په‌یوه‌ندیداره‌كان كۆبوه‌وه‌.

له‌ سه‌ره‌تای كۆبونه‌كه‌دا، سه‌ڵاح كوێخا سه‌رپه‌رشتیاری ئیداره‌ی گه‌رمیان رایگه‌یاند، ده‌ستخۆشی له‌ لیژنه‌ی دابه‌شكردنی یه‌كه‌كانی پرۆژه‌كه‌ ده‌كه‌ین كه‌ له‌ پرۆسه‌یه‌كی تیروپشكی شه‌فاف و بێ  كێشه‌ و كه‌موكوری یه‌كه‌كان به‌سه‌ر به‌شداربواندا دابه‌شكراوه‌.

ووتیشی "به‌پێی یاسا نابێت كڕین و فرۆشتن به‌و یه‌كانه‌وه‌ بكرێت تا ماوه‌ی یاسایی خۆی تێنه‌په‌ڕێت، بۆیه‌ ده‌بێت لایه‌نی په‌یوه‌ندیدار رێگری بكه‌ن له‌ هه‌ر مامه‌ڵه‌یه‌كی كڕین". هاوكات بۆ ئه‌و مه‌به‌سته‌ به‌ڕێوه‌به‌ری وه‌به‌رهێنانی گه‌رمیانی راسپارد به‌پێی رێنماییه‌كان مامه‌ڵه‌ له‌گه‌ڵ ئه‌و به‌شداربوانه‌ بكات كه‌ كڕین و فرۆشتن به‌یه‌كاكه‌نه‌وه‌ ده‌كه‌ن.

له‌لایه‌كی تره‌وه‌ هه‌ر له‌ كۆبوونه‌وه‌كه‌، سه‌رپه‌رشتیاری ئیداره‌ی گه‌رمیان به‌ڕێوه‌به‌ری فه‌رمانگه‌ په‌یوه‌ندیداره‌كانی راسپارد، په‌له‌ بكه‌ن له‌ ته‌واوكردنی رێكاره‌ یاساییه‌كانی پرۆژه‌كانی مامۆستایان و چین و توێژه‌كان له‌ قه‌زای كه‌لار و ناحیه‌ی رزگاری كه‌ ماوه‌یه‌كه‌ به‌هۆی ئه‌و رێكارانه‌وه‌ جێبه‌جێكردنیان دواكه‌وتووه‌.

لای خۆیه‌وه‌ به‌ڕێوه‌به‌ری وه‌به‌رهێنانی گه‌رمیان رایگه‌یاند، بڕیاره‌ له‌ هه‌فته‌ی داهاتووه‌وه‌ كۆبونه‌وه‌یه‌ك له‌ نێوان حكومه‌ت و نوێنه‌ری كۆمپانیای جێبه‌جێكاره‌كان و نوێنه‌ری مامۆستایان و چین و توێژه‌كان ئه‌نجام بدرێت به‌مه‌به‌ستی چاره‌سه‌ركردنی هه‌ندێ‌ كێشه‌ و گرفت و دوای گه‌یشتن به‌ ئه‌نجامیش جێبه‌جێكردنی پرۆژه‌كان هه‌نگاوێكی باش ده‌بڕێت.

‌ 739 جار خوێندراوه‌ته‌وه
ڕاپۆرت
فیستیڤاڵی شعریی پەروەردەی کفری بەڕێوەچوو
سەرپەرشتیاری ئیدارەی گەرمیان پێشوازیکرد لە شاندێکی کۆماری ئیسلامی ئێران
سەرپەرشتیاری ئیدارەی گەرمیان سەردانی بانکی ناوەندی هەرێم لە سلێمانی دەکات
هاوکارییەکانی کەمپینی ئیدارەی گەرمیان و رێکخراوەکان، بۆ رۆژاوای کوردستان بەڕێکرا
بەئامادەبوونی سەرپەرشتیاری ئیدارەی گەرمیان سیستمی ئەلیکترۆنی مۆڵەتی شۆفێری لە گەرمیان خرایە خزمەتی هاوڵاتیان


نرخی دراو دیناری عێڕاقی
گه‌رمیان له‌ میدیاكاندا
یه‌که‌ ئیدارییه‌کان
Idaray Garmyan copyright 2012 All Rights Reserved
Developed by Avesta Group and powered by Microsoft Azure