دوو رێکخراوی نێودەوڵەتی هاوکاری ئاوارەکان دەکەن
19 / 12 / 2017
ئەمڕۆ (١٩ى کانوونى یەکەم) بەمەبەستی ئاگاداربوون لە ژیان و گوزەرانی ئاوارەکان، هەردوو ڕێکخراوى (TDH)ى سویسرى و (NP) فەرەنسى سەردانى دیوانى ئیدارەى گەرمیانیان کرد و لەگەڵ سەرپەرشتیارى ئیدارەکە کۆبوونەوە. لەو کۆبونەوەدا کە جێگرى بەڕیوەبەرى گشتى چاودێرى کۆمەڵایەتى گەرمیان ئامادەی بوو , هەردو ڕێکخراوەکە باسیان لەوەکرد کە دورونزیک ئاگادارى هەوڵەکانى ئیدراەى گەرمیانن کە لە پێناو باشکردنى ڕەوشى گوزەرانى ئاوارەکاندا داویەتى و سوپاسى خۆیانیان گەیاندە ئیدارەى گەرمیان کە لە پێناو هەر کارێکى مرۆیى دا دەستە وەستان نابن و هەنگاوى خێراو بەپەلەى خۆیان دەنین.
لاى خۆشیەوە سەڵاح کوێخا سەرپەرشتیارى ئیدارەى گەرمیان وێڕاى بەخێرهاتنیان سوپاس سەرجەم ئەو ڕێکخراو دامەزراوانەى کرد کە هەرلە ساتى ئاوارەبوونى خەڵکى خوورماتوو دەوروبەرییەوە بەدەنگەوەهاتنیان هەبووەو جێ دەستیان لە خزمەتکردنى خەڵکى کارەساتباردا دیاربووە.
سەڵاح کوێخا ئاشکراشیکرد، کۆى ئەو خەڵکەى ئاوارەى سنوورەکە بوون هەشت هەزار و ۵٠٠ خێزانن و پێک هاتوون لە زیاتر لە ٤٠ هەزار هاوڵاتی، کە پێویستیان بە خۆراک و پێداویستی جۆراوجۆر دەبێت لە ئێستاشدا بەتایبەت وەرزى سەرماو سۆڵەیە سوتەمەنی و زۆپا و کەرەستەى خۆگەرمکردنەوەیاب پێویستە.
سەرپەشتیاری ئیدارەی گەرمیان ووتیشی "سەربارى ئەوەى ژنان و منداڵانى ئاوارە بارى دەروونى و ئارامى یان ناجێگیرە، پیویستییان بە هاوکارى زیاتر هەیە هەروەک شیرو دایبى منداڵان و کەرەستەى تایبەتى ئافرەتانیش بەشێکن لەو پێداویستیانەى کە بۆ ئەمڕۆى ژیانى ئەو ئاوارانە پێویستن"٠
لای خۆشیانەوە ڕێکخراوەکان بەڵێنى هاوکارى و چارەسەرکردنى گرفتەکانى ئاوارەکانیان دووپاتکردەوە، بڕیاریاندا لە ڕێگەى تیمى تایبەتى خۆیانەوە سەردانى ناحیەکانى نەوجول و زینانەو ئەو شوێنانە بکەن کە ئاوارەى تێداتە.
سەرپەرشتیارى ئیدارەى گەرمیانیش بەڵێنى گشت هاوکارییەکى ئیدارەى گەرمیانى بۆ ڕێکخراوەکان ڕاگەیاند و ئومێدیشى خواست لەسەرجەم کارەکانیاندا سەرکەوتووبن.
477 جار خوێندراوهتهوه |
|