ده‌رباره‌ی ئیداره‌ی گه‌رمیان لینکی په‌یوه‌ندیدار ئه‌رشیف په‌یوه‌ندی
وەزیری کارو کاروباری کۆمەڵایەتی حکومەتی هەرێم سەردانی ئیدارەی گەرمیانی کرد سەرپەرشتیاری ئیدارەی گەرمیان پێشوازیکرد لە راوێژکاری سەرۆکی یەکێتی سەرپەرشتیاری ئیدارەی گەرمیان لیژنەی تایبەت بە وەرگرتنی سامپڵی (DNA) لە کەسوکاری ئەنفالکراوان بەسەردەکاتەوە
یادی 29 ساڵه‌ی شه‌هیدانی ئه‌شكه‌وتی داری خله‌ كرایه‌وه‌ ‌

19 / 2 / 2018

ئه‌مڕۆ (29ی شوبات) به‌ ئاماده‌بوونی سه‌ڵاح كوێخا سه‌رپه‌رشتیاری ئیداره‌ی گه‌رمیان و به‌ ئاماده‌بوونی سه‌رپه‌رشتیاری مه‌ڵبه‌ندی گه‌رمیانی یه‌كێتی نیشتمانی كوردستان و خانه‌واده‌یان شه‌هیده‌كان، له‌لایه‌ن ده‌سته‌ی گرنگه‌وه‌ به‌ هاوكاری و چاودێری (لاهور شێخ جه‌نگی) مه‌راسیمی یادی 29 ساڵه‌ی شه‌هیدانی ئه‌شكه‌وتی داری خله‌ به‌ڕێوه‌چوو.

له‌مه‌راسیمه‌كه‌دا، عومه‌ر عه‌لی له‌ رێكخراوی ده‌سته‌ی گزنگ رایگه‌یاند: له‌ یادی 29 ساڵه‌یدا ده‌سته‌ی گزنگ وه‌ك به‌رزراگرتنی یاده‌كه‌ به‌ هاوكاری و چاودێری لاهور شێخ جه‌نگی هه‌ستاوه‌ به‌ ئه‌نجامدانی ئه‌م مه‌راسیمه‌، هه‌رچه‌ند بڕیار بوو مه‌راسیمه‌كه‌ له‌ شویچنی رووداوه‌كه‌ ئه‌نجام بدرێت به‌ڵام له‌به‌ر ناهه‌مواری كه‌ش و هه‌وا نه‌مانتوانی له‌وی ئه‌نجامی بده‌ین.

دواتر، محه‌مه‌د عه‌بدوڵا سه‌رپه‌رشتیاری مه‌ڵبه‌ندی گه‌رمیانی یه‌كێتی نیشتمانی كوردستان، له‌ ووته‌یه‌كدا تیشكی خسته‌سه‌ر خه‌بات و تێكۆشانی شه‌هیدانی داری خله‌، ووتی، له‌ دوای شاڵاوه‌كانی ئه‌نفال له‌ گه‌رمیان ئه‌م پۆله‌ پێشمه‌رگه‌ تێكۆشه‌ره‌ بڕیاریاندا وه‌ك پارتیزان له‌ گه‌رمیان بمێننه‌وه‌ و چالاكی بكه‌ن به‌ڵام مخابن سروشت رێگه‌ی نه‌دان به‌رهه‌می خه‌باتی خۆیان ببینن و شه‌هید بوون.

له‌ كۆتایی مه‌راسیمه‌كه‌شدا، خه‌ڵاتی رێزلێنان به‌خشرایه‌ خانه‌واده‌ی شه‌هیده‌كان.

رۆژی (19/2/1989) و له‌ دوای ئه‌نفال پۆلێك شه‌هیدی یه‌كێتی نیشتیمانی كوردستان كه‌ ژماره‌یان حه‌وت پێشمه‌رگه‌ بوو، له‌ كاتی پارتیزانیدا له‌ ئه‌شكه‌وتی داری خله‌ له‌ سنوری قه‌زای كه‌لار خۆیان حه‌شاردا و ئه‌شكه‌وته‌ به‌سه‌ریاندا روخا و دوای ململانێیه‌كی سه‌خت شه‌هید بوون، له‌دوای راپه‌ڕین ئه‌شكه‌وته‌ كرایه‌وه‌ و ته‌رمه‌كانیان و سه‌رجه‌م كه‌لوپه‌په‌له‌كانیان ده‌رهێنران

‌ 694 جار خوێندراوه‌ته‌وه
ڕاپۆرت
فیستیڤاڵی شعریی پەروەردەی کفری بەڕێوەچوو
سەرپەرشتیاری ئیدارەی گەرمیان پێشوازیکرد لە شاندێکی کۆماری ئیسلامی ئێران
سەرپەرشتیاری ئیدارەی گەرمیان سەردانی بانکی ناوەندی هەرێم لە سلێمانی دەکات
هاوکارییەکانی کەمپینی ئیدارەی گەرمیان و رێکخراوەکان، بۆ رۆژاوای کوردستان بەڕێکرا
بەئامادەبوونی سەرپەرشتیاری ئیدارەی گەرمیان سیستمی ئەلیکترۆنی مۆڵەتی شۆفێری لە گەرمیان خرایە خزمەتی هاوڵاتیان


نرخی دراو دیناری عێڕاقی
گه‌رمیان له‌ میدیاكاندا
یه‌که‌ ئیدارییه‌کان
Idaray Garmyan copyright 2012 All Rights Reserved
Developed by Avesta Group and powered by Microsoft Azure