خولێكی 10 رۆژه له بواری گرێبه‌سته‌كان ده‌كرێته‌وه
6 / 3 / 2018
وه‌زاره‌تی پلاندانی حكومه‌تی هه‌رێم به هه‌ماهه‌نگی له‌گه‌ڵ ئیداره‌ی گه‌رمیان، خولێكی تایبه‌ت به گرێبه‌سته‌كان بۆ فه‌رمانبه‌رانی بواری یاسایی و ئه‌ندازیاران و ژمێریاران له دیوانی ئیداره‌ی گه‌رمیان و فه‌رمانگه په‌یوه‌ندیداره‌كان ده‌كاته‌وه.
خوله‌كه له ژێر ناوی (بنیاتنانی توانای كه‌رتی گشتی بۆ جێبه‌جێكردنی به‌ڵگه‌نامه ستاندارده‌كانی كه‌مگری له سیستمی نوێی گرێبه‌سته گشتییه‌كان) له‌لایه‌ن راهێنه‌رانی وه‌زاره‌تی پلاندانان ده‌وترێته‌وه و بۆ ماوه‌ی 10 رۆژ به‌رده‌وام ده‌بێت.
له ده‌ستپێكی خوله‌كه، یونس ئه‌حمه‌د جێگری سه‌رپه‌رشتیاری ئیداره‌ی گه‌رمیان بۆ كاروباری هونه‌ری ووته‌یه‌كی پێشكه‌شكرد و رایگه‌یاند، كردنه‌وه‌ی ئه‌م خوله رۆڵێكی باشی ده‌بێت له گه‌شه‌پێدانی توانای كارمه‌ندانی حكومه‌ت له بواری گرێبه‌سته‌كان و هیواش ده‌خوازین به‌شداربوان سود له خوله‌كه ببینن، جێگه‌ی خۆیه‌تی لێره‌شه‌وه سوپاسی وه‌زاره‌تی پلاندانان و راهێنه‌رانی خوله‌كه بكه‌ین چونكه كردنه‌وه‌ی ئه‌م خوله خۆی له خۆیدا گرنگیدانه به گه‌رمیان.
ووتیشی، ئێمه له ئیداره‌ی گه‌رمیان وه‌ك هه‌میشه هاوكار ده‌بێن بۆ كردنه‌وه‌ی هه‌ر خوڵێك كه په‌ره به توانای فه‌رمانبه‌ران بدات ئه‌وه‌ش له پێناو باشتر به‌ڕێوه‌چوونی كاره‌كانی حكومه‌ت له سنوره‌كه.
| 846 جار خوێندراوه‌ته‌وه |
|
|
|