ئه‌مڕۆ (٢٤ ی حوزه‌یرانی ٢٠١٨) له‌سه‌ردانێكی مه‌یدانیدا سه‌رپه‌رشتیاری ئیداره‌ی گه‌رمیان به‌یاوه‌ری جێگری سه‌رپه‌رشتیاری ئیداره‌ی گه‌رمیان بۆ كاروباری هونه‌ری و به‌ڕێوه‌به‌ری ڕێگاوبانی گه‌رمیان و قائیمقامی قه‌زای كفری كاره‌كانی پرۆژه‌كه‌یان به‌سه‌ركرده‌وه‌.

 له‌و به‌سه‌ركردنه‌وه‌یه‌دا، سه‌ڵاح كوێخا سه‌رپه‌رشتیاری ئیداره‌ی گه‌رمیان رایگه‌یاند، ئەم پرۆژەیە له‌ماوه‌ی ڕابردوودا به‌هۆی قه‌یرانی داراییه‌وه‌ كاره‌كانی ڕاگیرابوون، له‌ ئێستادا پرۆژه‌كه‌ به‌هه‌وڵ و هیممه‌تی به‌ڕێز  قوباد تاڵه‌بانی جێگری سه‌رۆكی حكومه‌تی هه‌رێم نه‌ختینه‌ی بۆ دابین كراوه‌و به‌ دوو قۆناغ له‌ناحیه‌ی ڕزگارییه‌وه‌ تا قه‌زای كفری جێبه‌جێده‌كرێت.

پرۆژه‌كه‌، نزیكه‌ی ٢٥ كیلۆمه‌تره‌و چه‌ندین قه‌نته‌ره‌و پردی گه‌وره‌و بچوكی تێدایه‌، له‌قۆناغی یه‌كه‌مدا ده‌گاته‌ ناحیه‌ی سه‌رقه‌ڵا و دواتر له‌وێشه‌وه‌ بۆ قه‌زای كفری، له‌ئێستادا ٢٠٪‏ی كاره‌كانی ته‌واو بووه‌. به‌ ته‌واوبوونیشی خزمه‌تێكی باش ده‌كات به‌ناوچه‌ی گه‌رمیان و ده‌بێته‌ خاڵی پێشكه‌وتن و ئاوه‌دانی بۆ قه‌زای كفری و شاڕێگایه‌كی سه‌ره‌كیش ده‌بێت له‌ به‌ستنه‌وه‌ی ڕێگای سه‌ره‌كی ناوچه‌كانی ئه‌م ده‌ڤه‌ره‌ به‌ پارێزگای كه‌ركوك و ده‌وروبه‌ریه‌وه‌.