ده‌رباره‌ی ئیداره‌ی گه‌رمیان لینکی په‌یوه‌ندیدار ئه‌رشیف په‌یوه‌ندی
ژماره‌یه‌ك له‌ هونه‌رمه‌ندانی سنوری گه‌رمیان سه‌ردانی ئیداره‌ی گه‌رمیانیان كرد سەرپەرشتیارى ئیدارەى گەرمیان پشتیوانى خۆى بۆ هونەر و هونەرمەندان دووپاتکردەوە سه‌رپه‌رشتیاری ئیداره‌ی گه‌رمیان پێشانگایه‌كی شیوه‌كاری سه‌نته‌ری چالاكی گه‌نجانی كه‌لاری كرده‌وه‌و به‌ڕێوه‌به‌ری سه‌نته‌ره‌كه‌ش له‌به‌رامبه‌ر پاڵپشتیاندا خه‌ڵاتی ڕێزلێنانی پێ به‌خشی لیژنەى باڵاى ئەمنى ئیدارەى گەرمیان کۆبوەوەو چەند بڕیارو ڕاسپاردەیەکى دەرکرد
ئه‌و ده‌نگۆیانه‌ی باس له‌ زۆری حاڵه‌ته‌كانی نه‌خۆشی شێرپه‌نجه‌ ده‌كه‌ن له‌گه‌رمیان ڕه‌تده‌كرێته‌وه‌ ‌
14 / 8 / 2018

ئەمڕۆ سێشه‌ممه‌(14ی ئابی 2018) به‌مه‌به‌ستی به‌دواداچوون بۆ ئه‌و ده‌نگۆیانه‌ی كه‌باس له‌ زۆری حاڵه‌ته‌كانی تووشبوون به‌ شێرپه‌نجه‌ده‌كه‌ن له‌ گه‌رمیان ژماره‌یه‌ك له‌چالاكی مه‌ده‌نی و ژینگه‌پارێزانی سنووره‌كه‌ سه‌ردانی ئیداره‌ی گه‌رمیانیان كردو له‌گه‌ڵ سه‌ڵاح كوێخا سه‌رپه‌رشتیاری ئیداره‌ی گه‌رمیان كۆبوونه‌وه‌. سه‌ره‌تا چالاكوانان له‌باره‌ی مه‌ترسییه‌كانی ئه‌و نه‌خۆشییه‌وه‌ له‌سنووره‌كه‌ بۆچوونی خۆیانیان خسته‌ڕوو داوایانكرد ئیداره‌ی گه‌رمیان وه‌ك هه‌میشه‌ پاڵپشتیان بێت. ئەو ده‌نگۆیانه‌ی باس له‌ بوونی تووشبووی زیاتری ئه‌م نه‌خۆشیه‌ ده‌كه‌ن له‌گه‌رمیان به‌راورد به‌ناوچه‌كانی تری كوردستان ته‌وه‌ری سه‌ره‌كی كۆبوونه‌وه‌كه‌یان بوو ، چالاكوانان تێڕوانینی خۆیانیان له‌سه‌ر ئه‌و پرسه‌ باسكرد و داوایانكرد دڵنیایی بدرێته‌ دانیشتوانی كه‌لارو گه‌رمیان. لای خۆیه‌وه‌ سه‌ڵاح كوێخا سه‌رپه‌رشتیاری ئیداره‌ی گه‌رمیان وێڕای به‌خێرهاتینیان ده‌ست خۆشی لێكردن كه‌ به‌وحه‌ماسه‌ته‌وه‌ كارئه‌كه‌ن له‌پێناو ته‌ندروستی دانیشتوانی سنووره‌كه‌ ئومێدی سه‌ركه‌وتنی بۆخواستن، سه‌باره‌ت به‌و ده‌نگۆیانه‌ش كه‌باس له‌ تووشبووی زیاتر ده‌كه‌ن له‌گه‌رمیان، سه‌ڵاح كوێخا ڕاشیگه‌یاند، پارساڵ له‌ ئیداره‌ی گه‌رمیان لیژنه‌یه‌كی باڵا له‌خه‌ڵكی پسپور پێكهێنرا بۆ دیراسه‌كردنی ئه‌و بابه‌ته‌ ، خوشبه‌ختانه‌ دوای دیراسه‌كردن ، لیژنه‌كه‌ ئه‌نجامی لێكۆڵینه‌وه‌كانیان له‌كۆنفرانسێكدا بڵاوكرده‌وه‌و دڵنیایی درایه‌ هاوڵاتیان كه‌ گه‌رمیانیش وه‌كو هه‌رناوچه‌یه‌كی تری كوردستانه‌و ته‌واوی ئه‌و ده‌نگۆیانه‌ ڕه‌تكرانه‌وه‌ كه‌ باسیان له‌وه‌ده‌كرد زۆرترین تووشبووی نه‌خۆشییه‌كه‌ دانیشتوانی كه‌لارو گه‌رمیانن. سه‌ڵاح كوێخا وتیشی، ئه‌و نه‌خۆشیه‌ له‌ته‌واوی دونیاو ته‌نانه‌ت له‌ وڵاته‌ پێشكه‌وتووه‌كانیش هه‌یه‌، به‌پله‌ی یه‌كه‌م ئه‌وه‌ی گرنگه‌ بۆ هاوڵاتیان جێبه‌جێكردنی ڕێنماییه‌ ته‌ندروستی و خۆراكیه‌كانه‌ بۆ خۆپاراستن له‌نه‌خۆشییه‌كه‌. له‌به‌شێكی تری ووته‌كانیدا باسی له‌ململانێی ووڵاته‌ زلهێزه‌كان و تاقیكردنه‌وه‌ی چه‌كه‌كانیان كرد، كه‌ كاریگه‌ری خراپی به‌سه‌ر ته‌واوی دانیشتوانی جیهانه‌وه‌ جێهێشتووه‌ و وه‌ك پسپورانی ئه‌و بواره‌ باسیی ده‌كه‌ن هه‌ندێك له‌و جۆره‌ چه‌كانه‌ش هۆكاری زیاتری بڵاو بوونه‌وه‌ی نه‌خۆشییه‌كه‌ن له‌ دونیادا. له‌سه‌ر ئه‌م پرسه‌ بێستون ژاڵه‌یی له‌ناوه‌ندی كاری هاوبه‌شی ڕێكخراوه‌كان له‌ كۆنگره‌یه‌كی ڕۆژنامه‌وانیدا ڕایگه‌یاند ئه‌وان له‌ڕابردوودا كاریان له‌سه‌ر ئه‌و پرسه‌ كردووه‌و بۆیان ده‌ركه‌وتووه‌ هۆكاری ناوهێنانی كه‌لارو گه‌رمیان و پۆلێنكردنی وه‌ك ناوچه‌یه‌ك كه‌ زۆرترین تووشبووی لێ یه‌، په‌یوه‌ندی به‌وه‌وه‌ هه‌یه‌ دانیشتوانی ناوچه‌ كێشه‌له‌سه‌ره‌كانی نزیک لەکەلار هه‌رحاله‌تێكی تووشبوونیان به‌و نه‌خۆشییه‌ هه‌بووبێت له‌سه‌ر گه‌رمیان و كه‌لار حساب كراون. بێستون ژاڵه‌یی، باسیله‌وه‌شكرد كه‌ ئه‌وان له‌ئیستادا له‌سه‌ر ئه‌م ده‌نگۆیانه‌ داوای ڕونكردنه‌وه‌ی زیاتریان كردووه‌ له‌ (وه‌زاره‌تی ته‌ندروستی و نه‌خۆشخانه‌ی هیوا) كه‌په‌یوه‌ندیدارن به‌و مه‌سه‌له‌یه‌وه‌ دڵنیایی پیویست بده‌نه‌ دانیشتوانی كه‌لارو گه‌رمیان.
‌ 562 جار خوێندراوه‌ته‌وه
كۆمێنتت بنوسه‌ له‌سه‌ر بابه‌ته‌كه‌

*ناو:
 
*ئیمه‌یل:
 
*كۆمێنت:
 


ڕاپۆرت
له‌ گه‌رمیان هه‌ڵمه‌تی به‌ره‌نگاربوونه‌وه‌ی توندوتیژی خێزانی ده‌ستی پێكرد
سه‌رۆكی په‌رله‌مانی كوردستان سه‌ردانی گه‌رمیان ده‌كات ‌
سه‌رپه‌رشتیاری ئیداره‌ی گه‌رمیان به‌ره‌كانی جه‌نگی له‌ سنوری ناحیه‌ی جه‌له‌ولا به‌سه‌ركرده‌وه ‌
چالاكیه‌كانی هەڵمەتی بەرەنگاربوونەوەی توندوتیژی دژ بە ژنان لە گەرمیان
كێشه‌ و گرفته‌كانی خانه‌قین تاوتوێكرا
سه‌رپه‌رشتیاری ئیداره‌ی گه‌رمیان له‌گه‌ڵ به‌رپرسانی قه‌زاكه‌ كۆبویه‌وه‌


نرخی دراو دیناری عێڕاقی
گه‌رمیان له‌ میدیاكاندا
گه‌رمیان: رێگه‌ی‌ دانانی ئارایشتگا به‌ ئافرتانی فارس نادرێت ‌
مژده‌یه‌ك بۆ ئه‌و كه‌سانه‌ی له‌خانه‌قین له‌خوێندن دابڕاون‌
جه‌له‌ولا: ئۆتۆمبێلێك له‌به‌رده‌م ماڵی‌ وتارخوێنی‌ مزگه‌وتی‌ گه‌وره‌ ته‌قێنرایه‌وه‌‌
زانكۆی گه‌رمیان هه‌ڵسه‌نگاندن بۆ ژینگه‌ی‌ ناوچه‌كه‌ ده‌كات‌
له‌ گه‌رمیان رێژه‌ی‌ بێكاری‌ به‌شێوه‌یه‌كی‌ به‌رچاو كه‌میكردووه‌"‌
یه‌که‌ ئیدارییه‌کان
Idaray Garmyan copyright 2012 All Rights Reserved
Developed by Avesta Group and powered by Microsoft Azure