كاركردن له‌پرۆژه‌ی جووت سایدكردنی ڕێگای سه‌ره‌كی كه‌لار ده‌ربه‌ندیخان به‌رده‌وامه‌و پرۆژه‌ی جووت سایدكردنی ڕێگای سه‌ره‌كی كه‌لار كفریش 30% كاره‌كانی ته‌واو بووه‌

فه‌ره‌یدون ڕه‌سول لێپرسراوی ته‌كنیك له‌ به‌ڕێوه‌به‌رایه‌تی ڕێگاوبانی گه‌رمیان به‌سایتی ئیداره‌ی گه‌رمیانی ڕاگه‌یاند , هه‌ردو پرۆژه‌ی جووت سایدكردنی (كه‌لار/ ده‌ربه‌ندیخان) و (كه‌لار/ كفری) كاركردن تێیاندا به‌رده‌وامه‌و له‌كاتی خۆیدا ته‌واو ده‌كرێت

ووتیشی له‌ئێستادا قۆناغی دووه‌می كاركردن له‌ ڕێگاكه‌ 6,1% ته‌واو بووه‌, تێچووی پرۆژه‌كه‌ 106 ملیون دۆلاره‌و به‌ته‌واوبوونیشی خزمه‌تێكی باشده‌كات به‌كه‌رتی ڕێگاو بانی سنووره‌كه‌.

به‌ڕێوه‌به‌ری ته‌كنیكی ڕێگاوبانی گه‌رمیان ووتیشی هه‌رچی  پرۆژه‌ی جووت سایدكردنی ڕێگای سه‌ره‌كی (كه‌لار/ كفری) یه‌ به‌خێرایی كاری تێداده‌كرێت و له‌ ئێستاشدا 30% كاره‌كانی ته‌واو بووه‌.