وەزیرى خویندنى باڵاو توێژینەوەى زانستى حکومەتى هەرێمى کوردستان سەردانى ئیدارەى گەرمیان دەکات
23 / 9 / 2018
وەزیرى خوێندنى باڵاو توێژینەوەى زانستى سەردانى ئیدارەى گەرمیانى کرد یەکشەممە (٢٣ى ئەیلولى ٢٠١٨) دکتور یوسف گۆران وەزیرى خویندنى باڵاو توێژینەوەى زانستى حکومەتى هەرێمى کوردستان سەردانى ئیدارەى گەرمیانى کردو لەگەڵ سەڵاح کویخا سەرپەرشتیارى ئیدارەى گەرمیان کۆبووەوە. لەکۆبوونەوەکەدا کە سەرۆک و ژمارەیەک مامۆستاى بەشە جیاوازەکانى زانکۆى گەرمیان ئامادەى بوون باس لەڕۆڵ و گرنگى زانکۆى گەرمیان کرا لەناوچەکەدا لەڕووى مەعریفەو زانستەوە کاریگەرى زانکۆى گەرمیان لەخویندنى باڵادا بۆ خویندکارانى سنوورەکە بەرز هەڵسەنگێنرا دکتور یوسف گۆران وەزیرى خویندنى باڵاو توێژینەوەى زانستى سوپاسى سەرپەرشتیارى ئیدارەى گەرمیانى کرد کە هەردەم هاوکار وهەماهەنگ بووە لەخستنەسەرپێ ى زانکۆکەدا و موژدەى کردنەوەى کۆلێژى پزیشکى و وەرگرتنى خویندکارى بۆ ئەمساڵى خویندنى ٢٠١٨ -٢٠١٩ ڕاگەیاند دکتور یوسف گۆران هەولەکانى قوباد تالەبانى لەکردنەوەى ئەو بەشە گرنگەدا بۆ زانکۆکە بەرزنرخاند و هاوکارى و هەماهەنگییەکانى ئیدارەى گەرمیانیشى بۆ ئەو پرسە بەگرنگ وەسفکرد لاى خۆشیەوە سەڵاح کوێخا سەرپەرشتیارى ئیدارەى گەرمیان وێڕاى بەخێرهاتنى بۆ ناوچەکە دەستخۆشى لەکاروخزمەتى وەزارەتى خویندنى باڵاکرد لەسنوورەکەو کردنەوەى کۆلێژى پزیشکى لەزانکۆى گەرمیان بەدەستکەوتێکى گرنگ زانى هەروەک هەماهەنگى و پەیوەندى بەهێزى نێوان زانکۆى گەرمیان و ئیدارەى سنوورەکەى بۆخزمەتکردنى کەرتى خویندنى باڵا بە ئیجابى وەسفکرد و ئومێدى
بەرەو پێشچوونى زیاترى بۆ خواست.
| 1406 جار خوێندراوه‌ته‌وه |
|
|
|