پەیامى سەرپەرشتیارى ئیدارەى گەرمیان بۆ ساڵیادى کۆچى دوایى بەڕیز مام جەلال
3 / 10 / 2018
ساڵێک تێپەڕدەبێت بەسەر کۆچى دوایى ڕابەرى گەورەو سەرکردەى بەتواناى گەلەکەمان جەنابى مام جەلال بەڕێز مام جەلال جیا لەوەی سەرکردەیەکی ژیرو بەئەزموونی گۆڕەپانی سیاسی بوو ھاوکات ھۆکارێکی گرنگی سەقامگیرى و ئارامى بوو بۆ سەرجەم گەلانى عێراق وەک چۆن جەنابى مام جەلال لەڕابردوودا کۆى ژیانى سیاسى خۆى تەرخانکردبوو بۆخزمەتى گەلەکەى هەربەوجۆرەش نەبوونى جەنابى مام لەگۆرەپانى سیاسیدا کەلێنێکى گەورەى دروستکردووە و بەئاسان جێگاکەى پرناکریتەوە پاشخانى سیاسى و ئەو ستراتیژیەتەى کەجەنابى مام جەلال لەبەڕیوەبردن و دەوڵەتداریدا بۆگەلانى عێراقى داڕشتبوو مێژوو بەشانازییەوە لەپەرەى زێڕینى خۆیدا تۆماریان دەکات لەساڵیادی کۆچی دوایی ئەو سەرکردە مەزنەدا سەری ڕێز بۆ ماندوبون و خەباتی بێ وچانی دادەنەوێنین ئومێدەوارین وەک چۆن لەخەباتى سیاسى (مام جەلال)دا ئاشتی و ئاسایش باڵی کێشابوو بەسەر نیشتیمانەکەماندا بەھەمانشێوە کاروانی خەباتی مەدەنی و دیموکراسیەت کەجەنابی مام جەلال خستبوویە سەرپێ ی خۆی بەرەو ئاسۆی ڕوون ھەنگاوبنێ و ھیچ تەنگ و چەڵەمەیەک نەیەتەڕێگای ئەوکاروانە درود لە گیانی پاکی شھیدان سەرپەرشتیاری ئیدارەی گەرمیان
414 جار خوێندراوهتهوه |
|
|
|