پەیامی بەڕێوەبەری گشتی شارەوانییەکانی گەرمیان بۆ یادی ڕاپەڕین
5 / 3 / 2019
پەیامی بەڕێوەبەری گشتی شارەوانیەکانی گەرمیان بە بۆنەی ساڵڕۆژی ڕاپەڕینە مەزنەکەی گەلەکەمانەوە گەرمیانیانی خۆشەویست (کەس و کاری سەربەرزی شەهیدان و ئەنفال کراوان زیندانیانی سیاسی) ئەمڕۆ (28) ساڵ تێپەڕ دەبێت بەسەر ڕاپەڕینی شکۆداری گەلەکەمان کە گەورەترین وەچەرخان بوو لەمێژووی پڕ مەینەت و جەسارەتی نەتەوەیەکی بێ پشت و پەنادا، ڕاپەڕین سەرەتای دروستبوونی ئێستا و قوتار بوونی ئەوسایی میللەتەکەمان لە داپڵۆسین و کوشتن و تاقیکردنەوەی هەموو جۆرەکانی قڕکردن بوو، بۆیە حەقمانە هەم شانازی بەم ڕۆژە پیرۆزەی ڕۆژمێری نەتەوەکەمان بکەین و هەم هەڵە و پەڵەکانی بواری خزمەتکردن و کەم تەرخەمیەکانی ڕابردوو بکەینە کابووس و توحفەیەکی بێزراو بۆ ئەوەی لە داهاتوو ئەوەی لە ئەستۆمانە بێ سڵەمینەوە جێبەجێی بکەین و چی لەخزمەت گەرمیان و گەرمیانیەکانا بێ ترس و تائسیر ئەنجامی بدەین وە بۆ هیچ خزمەت و واجبێک شایستەی سوپاس نین چونکە پۆست و پایە بۆ خزمەتکردنە، بەڵام بۆ هەڵەو کەم تەرخەمیمان هاوکار و ڕێ نیشاندەرمان بن. سڵاو لە ڕۆحی پاکی شەهیدانی بەرهەمهێنی ئەمڕۆ سڵاو لە تێکۆشەرانی خاوەن متمانە و گەشتێنەری پشکۆی ڕاپەڕین سڵاو لە ئەندازیارانی ڕاپەڕین
برزان کریم محمود بەڕێوەبەری گشتی شارەوانیەکانی گەرمیان 5ی 3ی 2019
| 352 جار خوێندراوه‌ته‌وه |
|
|
|