به‌سه‌رپه‌رشتی سه‌ڵاح كوێخا سه‌رپه‌رشتیاری ئیداره‌ی گه‌رمیان و یونس ئه‌حمه‌د جێگری سه‌رپه‌رشتیاری ئیداره‌ی گه‌رمیان وبه‌ئاماده‌بوونی قائیمقامی قه‌زاكانی كه‌لار و كفری و به‌ڕێوه‌به‌ری گشتی و به‌ڕیوه‌به‌ری فه‌رمانگه‌ حكومیه‌كانی سنوری ئیداره‌ی گه‌رمیان له‌هۆڵی كۆبونه‌وه‌كانی ئیداره‌ی گه‌رمیان كۆبونه‌وه‌یه‌ك به‌ڕیوه‌چوو

ده‌ستپێك سه‌رپه‌رشتیاری ئیداره‌ی گه‌رمیان باسی له‌دڵسۆزی و خه‌مخۆری خه‌ڵك و توانای فه‌رمانبه‌ران و به‌ڕێوه‌به‌ری دامه‌زراوه‌ حكومییه‌كان كرد كه‌چۆن له‌ماوه‌ی ڕابردوودا به‌وپه‌ڕی هه‌وڵه‌وه‌ كاریانكردوه‌ له‌پیناو خزمه‌تكردنی هاووڵاتیاندا ، 
هه‌روه‌ك ده‌ستخۆشیشی لێكردن كه‌سه‌ره‌ڕای قه‌یرانی دارایی و سه‌ختی گوزه‌ران و ژیان توانیویانه‌ به‌باشی ئیش وكاری فه‌رمانگه‌كانیان ڕاپه‌رینن و ئه‌وه‌ی به‌شه‌ره‌فێكی گه‌روه‌ ناوهێنا
سه‌رپه‌رشتیاری ئیداره‌ی گه‌رمیان خزمه‌تكردن و هه‌ستی به‌رپرسیارییه‌تی پێكه‌وه‌ وابه‌سته‌كرد و ئه‌و پرۆسه‌یه‌ی به‌ خالیكی گرنگ وه‌سفكرد و دڵخۆشی خۆی ده‌ربڕی كه‌ له‌سنوری گه‌رمیاندا هه‌ستی به‌رپرسیارێتی لای فه‌رمانه‌بران و مامۆستایان و ته‌واوی ئه‌وكه‌سانه‌ی خزمه‌ت ده‌كه‌ن له‌وپه‌ڕی باشیدایه‌