ئاسایشی گەرمیان دەستگیرکردنی تیرۆریستێکی داعشی راگەیاند کە بەنیازبووە بە ناسنامەی ساختەوە لە کەلارەوە بچێته سلێمانی
11 / 4 / 2019
رائید عوسمان عەبدولکەریم وتەبێژی ئاسایشی گەرمیان لە کۆنفڕانسێکی رۆژنامەوانیدا رایگەیاند: لەلایەن هێزەکانی بەڕێوەبەرایەتیی ئاسایشی گەرمیان لە سنووری کەلار تیرۆریستێکی بە رەگەز عەرەب دەستگیرکراوە کە لە سەرەتای دروستبوونی رێکخراوی تیرۆریستیی داعشەوە پەیوەندیی بە رێکخراوەکەوە کردووە و لێپرسراوی گواستنەوەی ئەندامانی داعش بووە لە نێوان کەرکوک و حەویجە و پەڵکانە. وتیشی: تیرۆریستەکە بە مەبەستی خۆحەشاردان ویستوویەتی بە ناسنامەی ساختە لە کەلارەوە بچێتە سلێمانی. ئاماژەی بەوەشکرد، تیرۆریستانی داعش لە سنوورەکە پەرتەوازە بوونە و توانای خۆکۆکردنەوەیان نییە و لەرێی ناسنامەی ساختەوە هەوڵی خۆحەشاردان دەدەن و هێزەکانیشیان لە راوەدونانیان بەردەوامە.
577 جار خوێندراوهتهوه |
|
|
|