ژووری ئۆپه‌راسیۆنی ئیداره‌ی گه‌رمیان بۆ به‌ره‌نگاربوونه‌وه‌ی (ڤایرۆسی كۆرۆنا) چەند بریاریکی پێویستی دەرکرد.
پاش ئەوەی وەزارەتی ناوخۆ به‌یانی ژماره /٢٥ى بڵاوکردەوە ژورى ئۆپەراسیۆنى ئیدارەى گەرمیان بەسەرپەرشتى سەرپەرشتیارى ئیدارەى گەرمیان و بەئامادەبوونى ئەندامانى کۆبوەوەو
له‌بەر بەرژەوەندى گشتى و لەو چوارچیوەى بریار و رینماییەکاندا چەند بریارێکى پیویستى دەرکرد:
لەکۆنگرەیەکى رۆژنامەوانیدا سەرپەرشتیارى ئیدارەى گەرمیان ناوەرۆکى بریارەکانى بۆ کەنالەکانى راگەیاندن خستە روو, داواشیکرد هاوولاتیان پابەندبن پییەوەو سوپاس و ستایشى خەلکى گەرمیانیکرد کە لەرابردوودا بەباشى پابەند بوون بە بریارەکانەوە.
یه‌كه‌م:نانه‌واخانه‌و ماركێته‌كان له كاتژمێر ٦ی به‌یانی بۆ ٤ی ئێواره ده‌كرێنه‌وه ماركێته گه‌وره‌كان ڕێگایان پێده‌درێت ٢ ئوتومبیل به‌كاربهێنن و ماركێتی بچوكیش ١ ئۆتومبیل.
دووه‌م:ریكخراوه‌كانی un و ریكخراوه خیرخوازییه‌كان له‌لایه‌ن یه‌كه ئیدارییه‌كانه‌وه ریگایان پیده‌دریت و دابه‌شكردنی هاوكاری مرۆیی له كاتژمیر ١٢ ی نیوه رۆ بۆ ٥ ی ئیواره ده‌بیت.
سییه‌م:عه‌لوه‌كان ٦ی به‌یانی بۆ ٥ ی ئیواره.
چواره‌م: میوه فرۆشه‌كان ٦ ی به‌یانی ده‌رۆنه عه‌لوه‌و پیویسته پیش كاتژمیر ٩ بگه‌رینه‌وه بۆ گه‌ره‌كه‌كان.
پینجه‌م:مریشك فرۆش و فرشیارنى گۆشت له ٦ ی به‌یانی بۆ ٤ ی ئیواره‌کراوەدەبن.
شه‌شه‌م:دوكانی موبایل:١٢ی نیوه‌رۆ بۆ ٤ی ئیواره.
حه‌وته‌م:جوتیاران و خاوه‌ن كیلگه‌و هه‌نگه‌وانان لەدواى ٦ ی به‌یانی دەرۆنە سەر پرۆژەکانیان پیێش ٥ ى ئیوارە دەگەرینەوە.
هه‌شته‌م:هاتوچۆی (كارمه‌ندانی ته‌ندروستی و صیانه‌و ئاو) پیویسته به‌پی ی خشته‌ی ئیشكگری بێت كه‌له‌لایه‌ن به‌ریوه‌به‌رایه‌تییه‌كانیانه‌وه دیاریده‌كریت.
نۆیه‌م:ده‌رمانخانه‌و نۆرینگه‌كان به‌پێی خشته‌ی ئیشكگیری به‌ره‌چاوكرنی شوینی جوگرافی كاتی كرانه‌وه‌و داخستنیان دیاریده‌كریت.
ده‌یه‌م:ناوچه‌ی پیشه‌سازی تەنها شوینكاری نۆژه‌نكردنه‌وه‌ی ده‌راسه 6 ی به‌یانی بۆ 4 ی ئیواره کراوەدەبیت. پیداویستییەکانیترى هاولاتیان لەو ناوچەیە لەلایەن قائیمقامیەتەکانەوە ریکدەخرینەوە، سه‌باره‌ت به كارگه‌كانی بلۆك ڕیگه به‌و كارگانه‌ده‌دریت كه گریبه‌ستیان له‌گه‌ڵ كۆمپانیاكانی وه‌به‌رهینان هه‌یه.
یانزه‌یه‌م:به‌روبوومی ماست و شیره‌مه‌نی ٦ی به‌یانی بۆ ١٠ی به‌یانی ریگایان پیدەدریت بگویزریتەوە.
دوانزه‌یه‌م:غازفرۆشه‌كان:٦ ی به‌یانی بۆ ٤ ی ئیواره.
سیانزه‌یه‌م:كۆگاكانی بان ئاسیاو:٦ ی به‌یانی بۆ ٥ ی ئیواره‌کراوەدەبن.
چواره‌ده‌یه‌م:پرۆژه‌كانی وه‌به‌رهینان ٦ی به‌یانی بۆ ٥ ی ئیواره کاروبارەکانیان رادەپەرینن.
پانزه‌یه‌م:ریگا به‌نه‌خۆش و پیداویستی فریاگوزاری هاولاتیان ده‌دریت.
شانزه‌یه‌م:ده‌رمانی دریژخایه‌ن و كوتان لەناوەندە تەندروستییەکان ٩ی به‌یانی بۆ ١ی نیوه‌رۆ.
حه‌ڤده‌یه‌م:به‌هیچ جۆریك ریگا به ئوتومبیلی بچوك نادریت له ناوچه‌كانی ژیر ده‌سه‌لاتی حكومه‌تی عیراقه‌وه بیته ئیداره‌ی گه‌رمیان ئه‌و هاوولاتیانه‌شی به‌مه‌به‌ستی كاری بازرگانی یان بردنی شتومه‌ك و پیداویستی خۆراك دینه ناوچه‌كه ته‌نها به ئوتومبیلی بارهه‌لگری گه‌وره ریگایان پیده‌دریت.
هه‌ژده‌یه‌م:له‌سبەینێوه ریگه ده‌دریت مریشكی زیندوو هه‌نارده‌ی ناوچه‌كانی ژیر ده‌سه‌لاتی حكومه‌تی عیراق بكریت به‌لام ریگا به‌هه‌نارده‌كردنی هیلكه نادریت. ئەم بابەتە لەسەر پیشنیارى بەریوەبەرایەتى گشتى کشتوکالى گەرمیان بریارى لیدراوە.
نوزده‌یه‌م: هاتووچۆى بازرگانه‌كان و موخه‌لیصه‌كانی مه‌رزی په‌رویزخان سنوردارده‌كریت و
له‌لایه‌ن یه‌كه ئیداره‌ییه‌كانه‌وه به پشتگیری ده‌روازه‌ی په‌رویزخان ریگایان پیده‌دریت.
بیست:بەنزینخانەى فەرمى بەپیى شوینى جوگرافى لە ٦ى بەیانى بۆ ٥ ى ئیوارە ریگایان پیدە دریت بکرینەوە.
ئەو شوینکارانەى ریگایان پیدراوە سەنتەرى بازارەکان ناگریتەوە.
ناوچەى پیشەسازى ناکریتەوەو لەداهاتوودا لەلایەن قائیمقامیەتەکانەوە بەشى پیویستى هاوولاتیان دەکریتەوە.
هاتوچۆکردن لە کاتژمیر ٦ ى ئیوارە بۆ ١٢ شەو بەهەمو شیوەیەک قەدەغەیە.
پیویستە تەواوى هاوولاتیان پابەندبن بەوکاتانەى بۆیان دیاریکراوە بە پیچەوانەوە ریکارى یاساییان لەبەرامبەردا دەگیریتەبەر.
ئەم بریارانە لە ٧ ى ٤ ى ٢٠٢٠ دەچیتە بوارى جیبەجێکردنەوە.