ده‌رباره‌ی ئیداره‌ی گه‌رمیان لینکی په‌یوه‌ندیدار ئه‌رشیف په‌یوه‌ندی
بۆ چاره‌سه‌ركردنی كێشه‌ی زیاده‌ڕه‌وی له‌ ئیداره‌ی گه‌رمیان كۆبوه‌نه‌وه‌یه‌ك ئه‌نجامدرا ئیداره‌ی گه‌رمیان ده‌رباره‌ی كێشه‌كانی پرۆژه‌ی مامۆستایان كۆبوونه‌وه‌یه‌ك ئه‌نجامده‌دات مه‌ڵبه‌ندی گه‌رمیانی یه‌كێتی خەڵاتی رێزلێنانى بەخشیە پزیشک و کارمەندانی نەخۆشخانەی قەڵا
كونسوڵی فەرەنسا سەردانی ئیدارەى گەرمیانی كرد ‌

25 / 11 / 2020

ئەمڕۆ (25ی نۆڤەمبەر) لە دیوانی ئیدارە، سەرپەرشتیاری ئیدارەی گەرمیان پێشوازیكرد لە كونسوڵی گشتی فەرەنسا لە هەولێر، كە بەمەبەستی لە نزیكەوە ئاشنابوون بە گەرمیان سەردانەكەی ئەنجامدابوو.

لە دیداری لەگەڵ كونسوڵی فەرەنسا، كە بەڕێوەبەری ئاسایشی گەرمیان و بەڕێوەبەری گشتی كاروباری مین لە گەرمیان ئامادەی بوون, جەلال نوری سەرپەرشتیاری ئیدارەی گەرمیان باسی لە ناوچەی گەرمیان لە رووی پێگەی جوگرافی و ئیدارییەوە كرد. رایگەیاند، ناوچەی گەرمیان جوگرافیایەكی فراوانی هەیە، بەشێكی لە سنوری ناوچە دابڕێنراوەكانە و بەشەكەی دیكەی ئێستا ئیدارەی گەرمیانە و شاری كەلار ناوەندەكەیەتی، حكومەتی هەرێم هاوشێوەی پارێزگاكانی تر دیكە مامەڵە لەگەڵ ئیدارەی گەرمیان دەكات.

ووتیشی، گەرمیان ناوچەیەكی گرنگی هەرێمی كوردستانە، پێگەیەكی گرنگی هەیە و نزیكە لە كۆماری ئیسلامی ئێران، ناوچەكانی خوارووی عێراق دەبەستێتەوە بە هەرێمی كوردستانەوە، لە رابردوودا قوربانی زۆری داوە و روبەرووی راگواستن بوەتەوە و گوندەكانی كاولكراون و روخێنراون، لە پرۆسەی ئەنفالیشدا زۆرترین قوربانی داوە. روباری سیروان بە ناو قەزای كەلاردا تێدەپەڕێت و ناوچەكە دەوڵەمەندە بە سامانی سروشتی، ئێستا كۆمپانیا جیهانیەكان لێرە نەوت دەردەهێنن، لە رووی كشتوكاڵی و ئاژەڵدارییەوە گەرمیان ئاو هەوای لەبارە و بەرهەمی زۆرە.

سەرپەرشتیاری ئیدارەی گەرمیان ئاماژەی بەوەشدا، وڵاتی فەرەنسا هەمیشە دۆستایەتی خۆی بۆ گەلی كورد سەلماندووە چ لە كۆڕەوی 1991 گەلی كورد بێت، یان هاوكاری رێكخراوە فەرەنسییەكان لە دوای راپەڕین لە پۆچەڵكردنەوەی مین و هاوكاریی فەرەنسا بۆ پێشمەرگە لە شەری داعشدا. راشیگەیاند، بەهۆی پاشماوەی سەربازگەكانی حكومەتی بەعس و شەری ئێران _عێراق بەشێك لە خاكی گەرمیان مینڕێژ بون، بەڵام رێكخراوی هاندیكاپی فەرەنسی رۆڵی گەورەی هەبوو لە پاككردنەوەی روبەرێكی فراوان لەو خاكە مینڕێژكراوە، بۆیە ئێمە سوپاسی حكومەتی فەرەنسا دەكەین و ئومێد دەكەین سەردان و هەماهەنگییەكان بەردەوام بێت و زیاتر پەرەی پێبدەین.

دواتر، ئۆلیڤیێ دێكۆتینی كونسوڵی فەرەنسا لە دیدارەكەدا رایگەیاند، دەمێكە پێمخۆش بوو سەردانی گەرمیان بكەم، دەزانین گەرمیان ناوچەیەكی گرنگە، ئێمە لە كونسوڵخانەی فەرەنسا پێمان باشە ناوچە جیاوازەكانی كوردستان ببینین و پێی ئاشنا بین، ئەمڕۆش لەو چوارچێوە سەردانی گەرمیانمان كردووە.

ووتیشی، فەرەنسا پەیوەندی پتەوی لەگەڵ هەرێمی كوردستان هەیە لە ماوەی رابردووودا لە پوچەڵكردنەوەی مین و راهێنان بە هێزەكانی پێشمەرگە و ئاسایش، هاوكار بوین و هەماهەنگیەكی باشمان هەیە، هەروەها دەزانین هەرێمی كوردستان خاوەنی خاك و ئاو و هەوایەكی لەبارە بۆ كشتوكاڵ، ئێمە ئامادەین هاوكار بین بۆ بە پیشەسازیكردنی بەرهەمی كشتوكاڵی كوردستان. لە ئایندەیەكی نزیكیشدا پیشەنگای كشتوكاڵی لە فەرەنسا ئەنجامدەدرێت، داوامان كردووە هەرێمی كوردستان بەشدار بێت و بەرهەمەكانی خۆی بە جیهانی بناسێنێت.

لە دیدارەکەدا سەرپەرشتیاری ئیدارەی گەرمیان و کونسوڵی فەڕەنسا جەختیان لە چڕکردنەوەی ھەوڵەکان کردەوە بۆ بەرەنگاربونەوەی توندوتیژی دژبە ژنان لەوبارەوە، سەرپەرشتیاری ئیدارەی گەرمیان ووتی، ئێمە ئیدانەی کوشتنی ژنان دەکەین و بەھەموو شێوەیەک ئیدارەی گەرمیان و دەزگا پەیوەندیدارەکان بەرەنگاری توندوتیژی دژی ژنان و ئافرەتان بونەتەوە.

كونسوڵی فەرەنسا ووتیشی، زۆر خۆشحاڵم كە سەردانی گەرمیانم كردووە بە دڵنیاییەوە ئەمە دوا سەردانم نابێت و سەردان و هاوكاری و هەماهەنگیمان بەردەوام دەبێت.










‌ 218 جار خوێندراوه‌ته‌وه
ڕاپۆرت
لە٢٤کاتژمێری ڕابردوودا ٢٥ کەس لەگەرمیان تووشی کۆرۆنا بوون و ٣٨ کەس چاکبونەتەوە
به‌ڕێوه‌به‌ری ئاوی كه‌لار : كێشه‌ی ئاوی ماڵان له‌كه‌لار ته‌نها حاڵه‌ته‌و له‌ڕیگه‌ی تیمه‌كانمانه‌وه‌ به‌به‌رده‌وامی له‌هه‌وڵداین بۆئه‌وه‌ی هیچ گه‌ڕه‌كێك بێ ئاو نه‌بیت
له‌ گه‌رمیان هه‌ڵمه‌تی به‌ره‌نگاربوونه‌وه‌ی توندوتیژی خێزانی ده‌ستی پێكرد
سه‌رۆكی په‌رله‌مانی كوردستان سه‌ردانی گه‌رمیان ده‌كات ‌
سه‌رپه‌رشتیاری ئیداره‌ی گه‌رمیان به‌ره‌كانی جه‌نگی له‌ سنوری ناحیه‌ی جه‌له‌ولا به‌سه‌ركرده‌وه ‌


نرخی دراو دیناری عێڕاقی
گه‌رمیان له‌ میدیاكاندا
به‌رزبوونه‌وه‌ی پله‌ی گه‌رمی ڤایرۆسی كۆرۆنای له‌ناونه‌برد‌
سێ ملیۆن و 500 هه‌زار گه‌شتیار ڕوو له‌هه‌رێم ده‌كه‌ن‌
گه‌رمیان: رێگه‌ی‌ دانانی ئارایشتگا به‌ ئافرتانی فارس نادرێت ‌
مژده‌یه‌ك بۆ ئه‌و كه‌سانه‌ی له‌خانه‌قین له‌خوێندن دابڕاون‌
جه‌له‌ولا: ئۆتۆمبێلێك له‌به‌رده‌م ماڵی‌ وتارخوێنی‌ مزگه‌وتی‌ گه‌وره‌ ته‌قێنرایه‌وه‌‌
زانكۆی گه‌رمیان هه‌ڵسه‌نگاندن بۆ ژینگه‌ی‌ ناوچه‌كه‌ ده‌كات‌
یه‌که‌ ئیدارییه‌کان
Idaray Garmyan copyright 2012 All Rights Reserved
Developed by Avesta Group and powered by Microsoft Azure