ده‌رباره‌ی ئیداره‌ی گه‌رمیان لینکی په‌یوه‌ندیدار ئه‌رشیف په‌یوه‌ندی
شۆفێرانی مەرزی پەروێزخان سوپاسنامەیەك ئاراستەی ئیدارەی گەرمیان دەكەن پەیامی سەرپەرشتیاری ئیدارەی گەرمیان بە بۆنەی جەژنی رەمەزانەوە بڕیارەكانی ژووری ئۆپەراسیۆنی ئیدارەی گەرمیان بۆ روبەروبونەوەی ڤایرۆسی كۆرۆنا
بڕیارەكانی ژووری ئۆپەراسیۆنی ئیدارەی گەرمیان بۆ روبەروبونەوەی ڤایرۆسی كۆرۆنا ‌

1 / 4 / 2021

رۆژی (31/3/2021) ژوری ئۆپەراسیۆنی ئیدارەی گەرمیان بۆ بەرەنگاربونەوەی ڤایرۆسی كۆرۆنا، بەسەرپەرشتی بەڕێز سەرپەرشتیاری ئیدارەی گەرمیان و ئەندامانی ژوور، كۆبونەوەیەكی تایبەتی ئەنجامدا، بۆ هەڵسەنگاندنی بارودۆخەكە و گرتنەبەری رێكارە پێویستەكان بۆ خۆپارێزی و چڕكردنەوەی هەوڵەكان بۆ رێگریكردن لە زیاتر بڵاوبونەوەی ڤایرۆسی كۆرۆنا لە سنوری ئیدارەی گەرمیان، لە كۆتایی كۆبونەوەكەشدا ئەم بڕیارانەی لای خوارەوە دران.
1. جەختكردنەوە لە جێبەجێكردنی ناوەڕۆكی بەیانی ژمارە (12)ی وەزارەتی ناوخۆ تایبەت بەرێكاری نوێی خۆپارێزی لە ڤایرۆسی كۆرۆنا و گرتنەبەری رێوشوێنی پێویست بۆ ئەو مەبەستە.
2. بڕیاردرا بە پێكهێنانی هێزێكی هاوبەش لە هێزەكانی ئاسایش و پۆلیس و هاتوچۆ بۆ جێبەجێكردنی رێكاری داخستنی بازاڕ بە هەموو دوكان و پیشەكانەوە لە كاتژمێر (9:00)ی شەو تا (6:00)ی بەیانی.
3. قەدەغەكردنی ئەنجامدانی ئاهەنگ و بۆنەی كۆمەڵایەتی و ئایینی و هەر بۆنەیەكی تر كە ببێتەهۆی دروستكردنی قەرەباڵغی و بەریەككەوتن لە ناو هۆڵ و شوێنی داخراو یان لە دەرەوەی هۆڵ.
4. دانانی پرسە لە هۆڵ و گەڕەكەكان و هەڵدانی خێمە بۆ پرسە بە هەموو شێوەیەك قەدەغەیە و هەر هاوڵاتیەك پابەند نەبێت رێكاری یاسایی بەرامبەر دەگیرێتەبەر، بۆ ئەو مەبەستەش هێزە ئەمنیەكان راسپێردراون بۆ گرتنەبەری رێوشوێنی پێویست.
5. پێشكەشكردنی خزمەتگوزاری نێرگەلەكێشان لە تەواوی كافتریا و رێستۆرانت و یانەكان بەهەموو شێوەیەك قەدەغەیە، هاوكات داخستنی ئەو شوێنانە لە كاتژمێر (9:00)ی شەو بۆ (6:00)ی بەیانی، بەپێچەوانەوە سەرپێچیكار رێكاری یاسایی بەرامبەر دەگیرێتەبەر.
6. راگرتنی هاتوچۆی گەشتیاران و هاوڵاتیان لە رۆژانی (پێنجشەممە، هەینی، شەممە) لە نێوان هەرێمی كوردستان و پارێزگاكانی عێراق لە رێگەی سنوری ئیدارەی گەرمیانەوە.
7. لیژنە هاوبەشەكانی قایمقامیەتەكان رادەسپێردرێن بە پابەندكردنی دوكاندار و كاسبكار و كارمەندان لە ماركێت و مۆڵ و شوێنكارەكان و هاوڵاتیان بە گرتنەبەری رێكارەكانی خۆپارێزی لەو جێگایانە.
8. جێبەجێكردنی رێكارەكانی خۆپارێزی لە تەواوی فەرمانگەكانی حكومەت لەلایەن فەرمانبەران و كارمەندان و ئەو هاوڵاتیانەیش بۆ راییكردنی مامەڵەكانیان سەردانی فەرمانگەكان دەكەن، بۆ ئەو مەبەستە بەڕێوەبەری فەرمانگەكان بەرپرسیارن لە جێبەجێكردنی رێكارەكان.
9. راگرتنی دەوام لە سەنتەر و پەیمانگاكانی كردنەوەی خول و باخچە و قوتابخانە ئەهلییەكان.
10. پێویستە شۆفێر و سەرنشینی هێڵەكانی گواستنەوە پابەند بن بە گرتنەبەری رێكارەكانی خۆپارێزی، بۆ ئەو مەبەستە لیژنەیەكی هاوبەشی هاتوچۆ و گواستنەوە رێوشوێنی پێویست دەگرنەبەر بە پێبژاردن بەرامبەر بە شۆفێر.
11. بەپێی هەڵسەنگاندنی بەڕێوەبەرایەتی گشتی تەندروستی گەرمیان بۆ بارودۆخی ئێستای تەشەنەكردنی ڤایرۆسی كۆرۆنا، بە بەراورد بە رۆژانی پێش نەورۆز رێژەكە دوو هەێندە زیادیكردووە، بۆیە داوا لە هاوڵاتیانی خۆشەویست دەكەین لەپێناو رێگری لە بڵاوبونەوەی زیاتری ڤایرۆسی كۆرۆنا، زیاتر پابەندبن بە رێنماییەكان و رێكارەكانی خۆپارێزی، ئەوەش بۆ سەلامەتی هەمووان و رێگری لە زیاتر تەشەنەكردنی ڤایرۆسەكە.
12. ئەم بڕیارانە لە رۆژی (31/3/2021) جێبەجێدەكرێت تا دەرچواندنی بەیانی نوێ لەلایەن لیژنەی باڵای بەرەنگاربونەوەی ڤایرۆسی كۆرۆنا.


جەلال نوری
سەرپەرشتیاری ئیدارەی گەرمیان
سەرۆكی ژوری ئۆپەراسیۆنی ئیدارەی گەرمیان بۆ بەرەنگاربونەوەی ڤایرۆسی كۆرۆنا
31/3/2021
‌ 161 جار خوێندراوه‌ته‌وه
ڕاپۆرت
لە٢٤کاتژمێری ڕابردوودا ٢٥ کەس لەگەرمیان تووشی کۆرۆنا بوون و ٣٨ کەس چاکبونەتەوە
به‌ڕێوه‌به‌ری ئاوی كه‌لار : كێشه‌ی ئاوی ماڵان له‌كه‌لار ته‌نها حاڵه‌ته‌و له‌ڕیگه‌ی تیمه‌كانمانه‌وه‌ به‌به‌رده‌وامی له‌هه‌وڵداین بۆئه‌وه‌ی هیچ گه‌ڕه‌كێك بێ ئاو نه‌بیت
له‌ گه‌رمیان هه‌ڵمه‌تی به‌ره‌نگاربوونه‌وه‌ی توندوتیژی خێزانی ده‌ستی پێكرد
سه‌رۆكی په‌رله‌مانی كوردستان سه‌ردانی گه‌رمیان ده‌كات ‌
سه‌رپه‌رشتیاری ئیداره‌ی گه‌رمیان به‌ره‌كانی جه‌نگی له‌ سنوری ناحیه‌ی جه‌له‌ولا به‌سه‌ركرده‌وه ‌


نرخی دراو دیناری عێڕاقی
گه‌رمیان له‌ میدیاكاندا
به‌رزبوونه‌وه‌ی پله‌ی گه‌رمی ڤایرۆسی كۆرۆنای له‌ناونه‌برد‌
سێ ملیۆن و 500 هه‌زار گه‌شتیار ڕوو له‌هه‌رێم ده‌كه‌ن‌
گه‌رمیان: رێگه‌ی‌ دانانی ئارایشتگا به‌ ئافرتانی فارس نادرێت ‌
مژده‌یه‌ك بۆ ئه‌و كه‌سانه‌ی له‌خانه‌قین له‌خوێندن دابڕاون‌
جه‌له‌ولا: ئۆتۆمبێلێك له‌به‌رده‌م ماڵی‌ وتارخوێنی‌ مزگه‌وتی‌ گه‌وره‌ ته‌قێنرایه‌وه‌‌
زانكۆی گه‌رمیان هه‌ڵسه‌نگاندن بۆ ژینگه‌ی‌ ناوچه‌كه‌ ده‌كات‌
یه‌که‌ ئیدارییه‌کان
Idaray Garmyan copyright 2012 All Rights Reserved
Developed by Avesta Group and powered by Microsoft Azure