رێکخراوەکانی گەرمیان راپۆرتێک لەسەر کەرتی تەندروستی دەدەنە ئیدارەی گەرمیان
18 / 9 / 2022
ئەمڕۆ (١٣ی ئەیلول) ژمارەیەک لە رێکخراوەکان، سەردانی ئیدارەی گەرمیانیان و سەبارەت بە کێشە و گرفتەکانی کەرتی تەندروستی راپۆرتێکیان ئاراستەی ئیدارەی گەرمیان کرد. لە دیداریان لەگەڵ سەرپەرشتیاری ئیدارەی گەرمیان، نوێنەری ١٢ رێکخراوی کۆمەڵی مەدەنی، باسیان لە کێشە و گرفت و کەموکورتیەکانی کەرتی تەندروستی لە گەرمیان کرد و داوایانکرد ئیدارەی گەرمیان کار بۆ چارەسەرکردنیان بکات. هاوکات، راپۆرتێکی هاوبەشیان لەسەر کێشەو گرفتەکانی تەندروستی ئاراستەی ئیدارەی گەرمیان کرد کە تیایدا، پرسی کردنەوەی بەش و سەنتەری تەندروستی و کێشەی دەرمان و رێکخستنەوەی بینینی نەخۆش و رێکخستنەوەی دەرمانخانە و عەیادەکان و چەندین گرفتی تر خرابویەڕوو. لای خۆیەوە، جەلال شێخ نوری سەرپەرشتیاری ئیدارەی گەرمیان، ئەوەی خستەڕوو، ئیدارەی گەرمیان هەمیشە هاوکار و پشتیوان بووە بۆ چارەسەری کێشەکانی کەرتی تەندروستی لە سنورەکە. راشیگەیاند، ئیدارەی گەرمیان بە گرنگیەوە لە رۆڵ و پێگە و کاری رێکخراوەکان دەڕوانێت و راپۆرتەکەیان بەهەند وەردەگرێت،بەدواداچونیش دەکات بۆ راپۆرتەکە ئەوەش بە ئامانجی چارسەری کێشەوگرفتەکانی تەندروستی لە سنورەکە.
173 جار خوێندراوهتهوه |
|
|
|