رۆژی 14/4 بانگهشهی ههڵبژاردن له چهمچهماڵ رادهگیرێت
6 / 4 / 2014
لایهنه سیاسیهكانی ههرێم بریاریانداوه رۆژی 14/4 یادی 26 ههمین ساڵیادی ئهنفال، وهكو رێزلێنان له قوربانیانی ئهنفال بانگهشهی ههڵبژاردنهكان له سنوری قهزای چهمچهماڵ رابگرن و لهبری ئاڵای حزبهكانیان ئاڵای كوردستان بهرزبكهنهوه.
هابیل ئهحمهد بهڕێوهبهری مۆنۆمێنتی ئهنفال له لێدوانێكی رۆژنامهنوسیدا رایگهیاند : وهكو رێزلێنانێك له قوربانیانی ئهنفال، داوایانكردووه رۆژی 14/4 و یادی 26 ساڵهی تاوانی ئهنفال كه دهوێته ناوهڕاستی ههڵمهتی ههڵبژاردنهوه سهرجهم حزب و لایهنه سیاسیهكان بانگهشهی ههڵبژاردن له سنوری قهزای چهمچهماڵ رابگیرێت. ئاماژهی بهوهشدا، له ئێستادا حزب و پارته سیاسهكان بهدهم داواكاریهكهمان هاتوون و بڕیاریانداوه لهو رۆژهدا بههیچ شێوهیهك له چهمچهماڵ بانگهشهی ههڵبژاردن نهكهن و بهتهنها ئاڵای كوردستان بهرزبكهنهوه. . له رۆژی 14/4 كه یادی مهرگهساتی ئهنفاله بانگهشه رابگرن و له جیاتی ئاڵای حزبهكان تهنها ئاڵای كوردستان بهرز بهكهنهوه، وهك رێزلینانێك بۆ قوربانیانی 182 ههزار هاوڵاتی بێ تاوانی نهتهوهكهمان.
بهڕێوهبهری مۆنۆمێنتی ئهنفال له چهمچهماڵ ووتیشی" داوا لهههموو لایهك دهكهین پابهندی ئهخلاقیاتی سیاسی و مرۆیی بن و بههیچ شێوهیهك له مۆنۆمێنتی ئهنفال له چهمچهماڵ كه یادهكهی تێدا دهكرێتهوه بانگهشهی ههڵبژاردن نهكهن، چونگه مۆنۆمێنت شوێنێكی پیرۆزه و جێگهی ململانێی سیاسی و حیزبی نییه".
265 جار خوێندراوهتهوه |
|
|
|