ئەمڕۆ (١٥ی ئایار) سەرپەرشتیاری ئیدارەی گەرمیان، سەردانی بەڕێوەبەرایەتی ئاسایشی گەرمیانی کرد و لە دیداری لەگەڵ بەڕێوەبەری ئاسایشی گەرمیان باس لە رەوشی ئەمنی ناوچەکە و هەماهەنگیەکان کرا.

لەو سەردانەدا، جەلال شێخ نوری سەرپەرشتیاری ئیدارەی گەرمیان وێڕای ئەوەی پیرۆزبایی لە بەڕێوەبەری نوێی ئاسایشی گەرمیان کرد، هیوای سەرکەوتنی بۆ خواست و پشتیوانی ئیدارەی گەرمیانی بۆ ئاسایش دوپاتکردەوە.

هاوکات، سەرپەرشتیاری ئیدارەی گەرمیان رۆڵی ئاسایشی گەرمیانی بەرزنرخاند لە پاراستنی ئەمنیەتی ناوچەکە، بۆ ئەو مەبەستەش هاوکاری و هەماهەنگی ئیدارەی گەرمیان و دەزگا ئەمنیەکانی ناوچەکەی بۆ ئاسایشی گەرمیان خستەڕوو.

لەبەرامبەردا، عەمید وەلید خالد بەڕێوەبەری ئاسایشی گەرمیان، وێڕای بەخێرهاتنی سەرپەرشتیاری ئیدارەی گەرمیان باسی لە کارەکانیان کرد و جەختی لە پەیوەندی و هەماهەنگی هەردولا کردەوە لەپێناو باشتر پاراستنی ئەمنیەتی ناوچەکە و بەڕێوەچوونی کارەکان.