لە مەرسیمەکەدا سەرپەرشتیاری ئیدارەی گەرمیان بۆ کەناڵەکانی ڕاگەیاندن ڕایگەیاند، وێرای دەستخۆشی تەواومان لە بەڕێوەبەر و ئەفسەران و کارمەندنای هاتووچۆی گەرمیان پیرۆزبایی لە خەڵکی گەرمیان ئەکەین، بەئەلیکترۆنی کردنی سیستمی مۆڵەتی شۆفێری و چاپکردنی لەگەرمیان دەستکەوتێکی گرنگە، ئومێد دەکەین لەداهاتوویەکی نزیکیشدا بەشی تابلۆ و پێدانی تابلۆ بخرێتە خزمەتی خەڵکی گەرمیان.

عەمید محسن مەنسور کەرەم بەڕێوەبەری هاتووچۆی گەرمیان لە کۆنگرە ڕۆژنامەوانییەکەدا ڕایگەیاند: بەئەلیکترۆنی کردن و چاپکردنی  مۆڵەتی شۆفێری لەگەرمیان گرنگی خۆی هەیە، لە داهاتووشدا هۆبەی پێدانی تابلۆ هەر لە گەرمیان دەکرێتەوە بەو ئومێدای  ڕێگای دووری هاوڵاتیان نزیک بکەینەوە و کار ئاسانی زیاتر بۆ هاوڵاتیان گەرمیان بکەین.

لەم سیستەمی مۆڵەتی شۆفێری ئەلیکترۆنیدا لە بەڕێوەبەرایەتی هاتووچۆی گەرمیان سەرجەم زانیارییە کەسییەکان لە کاتی پێدان یان نوێکردنەوەی مۆڵەتی شۆفێری لە شۆفێر وەردەگیرێت و  لەماوەی ٢٠ خولەکدا دەتوانرێت مۆڵەتێکی شۆفێری پلاستیک بەکوالێتی بەرز و ستاندارد بۆ شۆفێر چاپ بکات.