لەمیانی بەڕێکردنی هاوکارییەکاندا و لە کۆنگرەیەکی رۆژنامەوانیدا، رامیار عەبدولڕەحمان جێگری سەرپەرشتیاری ئیدارەی گەرمیان ووتی، دوای پێنج رۆژ بەردەوامی، کەمپینی ئیدارەی گەرمیان و رێکخراوەکان کە لە کەلار و کفری و ناحیەی رزگاری بەڕێوەچوو کۆتاییپێهات و هاوکارییەکان ئاراستەی لێقەوماوانی بومەلەرزەکەی رۆژاوای کوردستان دەکرێت.

هاوکات، سوپاسی خەڵکئلی گەرمیان و سەرجەم چین و توێژەکانی کرد لەبەرامبەر بەخشینی هاوکارییەکانیان بە کەمپینەکە.

دواتر، بێستون ژاڵەیی بەڕێوەبەری کۆچ و کۆچبەران و وەڵامدانەوەی قەیرانەکان لە ئیدارەی گەرمیان، رایگەیاند، لە کەمپینی ئیدارەی گەرمیان و رێکخراوەکاندا، ٧٣ ملیۆن و ٨٥٠ هەزار دینار و ئەم پێداویستیانە کۆکراوەتەوە کە خۆی دەبینێتەوە لە (چوار هەزار و ٧٦ بەتانی، دوو هەزار و ٧١٤ بەتانی، ٥٠ سوپای نەوت، سێ هەزار و ٨٤٨ دایبی و سانتی، ٨١ کارتۆن و ٦٠ قتوو شیری منداڵ، ٦١ فەردە و کیسەی برنج، حەوت کارتۆن زەیت، حەوت کارتۆن ئاوتەماتە، هەشت فەرشی گەورە و ١٤ فەرشی بچوک، ٧٥ تەباخ نەوت بچووک، پەقاڵەمەنی ٢٨ سێت، دوو کارتۆن رشتە، حەوت کارتۆن سابون، فوو کارتۆن چا، یەک شێت شەکر، چوار کارتۆن پاککەرەوە).

دواتر، رەحمان جەمال، لێپرسراوی رێکخراوە دیموکراتیەکانی گەرمیان بە ناو رێکخراوەکانەوە ووتەیەکی پێشکەشکرد و تیایدا، سوپاسی سەرپەرشتیاری ئیدارەی گەرمیان و رێکخراوەکانی کرد بۆ بەڕێوەچوونی کەمپینەکە و باسی لە کارەکانی کەمپینەکەی کرد.