ئەمڕۆ (١٧ی ئایار) وەفدێکی یونامی بە سەرۆکایەتی لێپرسراوی نووسینگەی هەرێمیی یونامی لە هەولێر، سەردانی ئیدارەی گەرمیانی کرد و سەرپەرشتیاری ئیدارەی گەرمیان بە ئامادەبونی جێگری سەرپەرشتیار و ژمارەیەک لە بەڕێوەبەری گشتی و بەڕێوەبەری فەرمانگەکان، سەبارەت بە ئەنجامدانی کار و پرۆژەی رێکخراوەکان لەگەڵیدا کۆبوەوە.

لە کۆبوەنەوەکەدا باس لە گرنگی رۆڵ و پێگەی رێکخراوە نێودەوڵەتیەکان کرا بۆ خزمەتکردن لە ناوچە جیاجیاکاندا و دواتر تیشکخرایەسەر کێشەو گرفتەکانی سێکتەری ئاو و کشتوکاڵ لەسنورەکە، لەو روەشەوە بەڕێوەبەری بەڕێوەبەرایەتیە پەیوەندارەکان، راپۆرتی تایبەتیان پێشکەش بە شاندەکەی یونامی کرد و گفتوگۆی پێویست لەنێوان هەردوولا کرا.

هەریەکە لە جێگری سەرپەرشتیاری ئیدارەی گەرمیان و بەڕێوەبەرە گشتیەکانی کشتوکاڵ و وەبەرهێنان و بەڕێوەبەری پلاندانانی ئیدارەی گەرمیان و ئاودێری و ئاوی دەوربەری گەرمیان و ئاوی کەلار و کۆچ و کۆچبەران و وەڵامدانەوەی قەیرانەکانی ئیدارەی گەرمیان ئامادەی کۆبونەوەکە بوون.