ئەمڕۆ (١٢ی حوزەیران) سەرپەرشتیاری ئیدارەی گەرمیان بە یاوەری قایمقامی قەزای کەلار و بەڕێوەبەری هاتوچۆی گەرمیان و سەرۆکی شارەوانی کەلار، پرۆژەی نۆژەنکردنی ناو بازاڕی شاری کەلاری بەسەرکردەوە.

لەو بەسەرکردنەوەدا، چاوی کەوت بە ستافی ئەندازیاری پرۆژەکە و دەستخۆشی لێکردن لەبەرامبەر بەڕێوەچوونی کارەکانی پرۆژەکە بەشێوەیەکی باش و دور لە کێشە و گرفت.

دواتر سەرۆکی شارەوانی کەلار و ئەندازیارانی پرۆژەکە ئەوەیان خستەڕوو کە پرۆژەکە گەیشتۆتە کۆتا قۆناغ و باسیان لەبڕگەکانی پرۆژەکە کرد کە خۆی دەبینێتەوە، لە شەقام و شۆستەی بی ئاڕتۆن، ئینارە، هەڵگرتنەوەی خۆڵ و خاشاک و چەند بڕگەیەکی تر.