ئەمڕۆ (٢ی کانوونی یەکەم) سەرپەرشتیاری ئیدارەی گەرمیان بە ئامادەبوونی جێگری سەرپەرشتیار، پێشوازیکرد لە وەزیری رۆشنبیری و لاوانی حکومەتی هەرێم و لێپرسراوی مەڵبەندی رێکخستنی گەرمیانی یەکێتی نیشتمانی کوردستان.

لەدیداری نێوانیان، باس لە رەوشی هونەر و رۆشنبیری و کاروباری وەرزش و لاوان لە سنوری ئیدارەی گەرمیان کرا و لەو بارەوە وەزیری رۆشنبیری حکومەتی هەرێم پشتیوانی وەزارەتەکەی خستەڕوو، بۆ ئەنجامدانی کار و چالاکی هونەری و رۆشنبیری لە سنورەکە، لای خۆشیەوە جەلال شێخ نوری سەرپەرشتیاری ئیدارەی گەرمیان، دووپاتیکردەوە ئیدارەی گەرمیان وەک هەمیشە هاوکار و پشتیوانی بەڕێوەبەرایەتی گشتی رۆشنبیری و هونەری گەرمیان و سەرجەم بەڕێوەبەرایەتی و فەرمانگەکانی سەر بە وەزارەتی رۆشنبیری دەبێت بۆ ئەنجامدانی کاروچالاکیەکانیان لە سنورەکە.