سەرپەرشتیاری ئیدارەی گەرمیان پێشوازی کرد لە سەرۆکی رێکخراوی هاوکاری ئەڵمانی
4 / 12 / 2023
ئەمڕۆ (٣ی کانوونی یەکەم) سەرپەرشتیاری ئیدارەی گەرمیان بەئامادەبوونی جێگری سەرپەرشتیار، پێشوازیکرد لە سەرۆکی رێکخراوی هاوکاری ئەڵمانی و ستافی رێکخراوەکە. لە دیداری نێوانیان باس لە گرنگی پەیوەندی و هەماهەنگی نێوان رێکخراوەکان و ئیدارەی گەرمیان کرا و دواتر کارینا ملۆدۆخ، سەرۆکی رێکخراوی هاوکاری ئەڵمانی، سوپاسی ئیدارەی گەرمیانی کرد لە بەرامبەر رەخساندنی دەرفتی باشی کاری رێکخراویی لە گەرمیان و هەماهەنگی و هاوکاریکردنی رێکخراوەکەیان بۆ ئەنجامدانی کار و چالاکیەکانیان لە گەرمیان. لای خۆشیەوە، جەلال شێخ نوری سەرپەرشتیاری ئیدارەی گەرمیان تیشکی خستەسەر گرنگی رۆڵی رێکخراوەکان بۆ خزمەتی ناوچەکە و ئەوەشی ووت، رێکخراوی هاوکاری ئەڵمانی لەماوەی رابردوودا لەسنوری گەرمیان بە گشتی و قەزای کفری بەتایبەتی خزمەتی باشی کردووە، لەگەڵ ئەوەی دەستخۆشیان لێدەکەین، هاوکار و هەماهەنگ دەبین تا بتوانن خزمەتی باشتر بە سنورەکە بکەن.
| 569 جار خوێندراوه‌ته‌وه |
|
|
|