ئەمرۆ (۳ی کانوونی یەکەم) لە رۆژی جیهانی کەمئەنداماندا، بە ئامادەبوونی رامیار عەبدولڕەحمان جێگری سەرپەرشتیاری ئیدارەی گەرمیان و سروە محەمەد پەرلەمانتاری عێراق و بەڕێوەبەری گشتی چاودێری و گەشەپێدانی کۆمەڵایەتی گەرمیان و ژمارەیەک لە بەڕێوەبەری فەرمانگە حکومییەکان، چەند چالاکیەکی تایبەت بە کەمئەندامان ئەنجامدرا.

لە درێژەی چالاکیەکاندا، پەیمانگای نابیستانی گەرمیانی سەربەبەڕێوەبەرایەتی گشتی چاودێری و گەشەپێدانی کۆمەڵایەتی گەرمیان، پێشەنگایەکی کاری دەستییان کردەوە و تیایدا، چەندین بەرهەمی کاری نابیستان نمایشکران.

لەلایەکی ترەوە هەر ئەمڕۆ، ژمارەیەک لە کەمئەندامانی دەستڕەنگینی گەرمیان، بەهاوکاری قوتابخانەی ئانای ناحکومی، لە رۆژی جیهانی خاوەن پێداویستی تایبەت، رێوڕەسمێکیان لەهۆڵی بەڕێوەبەرایەتی گشتی رۆشنبیری گەرمیان ئەنجامدا و تیایدا، پێشانگای شێوەکاری و کاری دەستی کرایەوە چەندین بەرهەمی کەمئەندامان خرانەڕوو و فیلمێکی دۆکیۆمێنتاری نمایشکرا کە تیایدا تیشکخرایەسەر ژیانی رۆژانە و گوزەران و کێشەوگرفتی کەمئەندامان.