ئەمڕۆ (٦ی ئایار) جەلال شێخ نوری سەرپەرشتیاری ئیدارەی گەرمیان پێشوازیکرد لە مەلا کەریم شکور پەرلەمانتاری عێراق و لە دیداری نێوانیان باس لە بارودۆخی ئەمنی و خزمەتگوزاری ناوچە کودستانیەکانی دەرەوەی هەرێم و کێشە و گرفتەکانی بواری کارەبا و ئاو و سێکتەرەکانی دیکەی گوندەکانی ناحیەی نەوجول و سنوری ناوچەی داویە کرا.

لای خۆیەوە، سەرپەرشتیاری ئیدارەی گەرمیان ئەوەی خستەڕوو، لەماوەی رابردوودا ئیدارەی گەرمیان بەدواداچوونی بۆ ئەو کێشە و گرفتانە کردووە و کاری لەسەر داخوازی دانیشتوانی ئەو سنورە کردووە، بەشێک لە گرفتەکانیشیان چارەسەر بوون و ئەوەشی ماوەتەوە لە رێگەی لایەنی پەیوەندیدارەوە کار لەسەر چارەسەرکردنیان دەکرێت بە تایبەت کێشەکانی بواری کارەبا لەو سنورەدا.