رۆژی (۲ی تەمموز) بە ئامادەبوونی عەبدوڵا ئەنوەر سەرپەرشتیاری ئیدارەی گەرمیان و سەرۆکی زانکۆی گەرمیان و ژمارەیەک لە مامۆستایانی زانکۆ، کۆلێژی پەروەردەی زانکۆی گەرمیان چوارەمین کۆنفرانسی زانستی ئەنجامدا.

کۆنفرانسەکە لە ژێر ناونیشانی (جینۆسایدی گەلی کورد لە دیدگای زانستەوە) ئەنجامدرا و تیایدا، بە چەندین توێژینەوەی زانستی، لە رەهەندە جیاوازەکانەوە تیشکخرایەسەر جینۆسایدی گەلی کورد بە گشتی و پرۆسەی جینۆسایدی ئەنفال بە تایبەتی.

هاوکات ئەمڕۆ (۳ی تەمموز) کۆنفرانسەکە بەردەوام بوو و تیایدا ژمارەیەکی تر توێژینەوەی تایبەت بەو پرسە پێشکەش کراو و دواتر دەرئەنجام و راسپاردەکانی کۆنفرانس خرایەڕوو.