ئەمڕۆ (٢٣ی نیسان) بەئامادەبوونی جەلال شێخ نوری سەرپەرشتیاری ئیدارەی گەرمیان و قایمقامی قەزای کەلار و بەڕێوەبەرە گشتیەکانی تەندروستی و پەروەردەی گەرمیان و بەڕێوەبەری خۆپاراستنی تەندروستی و بەڕێوەبەری پەروردەی کەلار، هەڵمەتی کوتانی سورێژەی مناڵان لە قوتابخانەی کانی بنەڕەتی لە کەلار بەڕێوەچوو.

لەسنوری ئیدارەی گەرمیاندا ٤٦ تیمی تەندروستی گەرمیان، هەڵمەتی کوتانی مناڵان ئەنجام دەدەن و ماوەی پێنج رۆژە دەستی پێکردووە و بۆ ماوەی ١٠ رۆژ بەردەوام دەبێت.

هەڵمەتەکە لەدایەنگە و باخچەی مناڵان و سەرجەم ناوەندەکانی خوێندن دەگرێتەوە و ئامانجی هەڵمەتەکە کوتانی ٤٠ هەزار مناڵی سنورەکەیە.