ئیدارەی گەرمیان لە کەموکورتییەکانی پرۆژەی تابلۆ سیتی دەکۆڵێتەوە
15 / 8 / 2017
ئەمڕۆ (۱۵ی ئاب) بەمەبەستی چارەسەرکردنی کێشە و گرفتەکانی پرۆژەی نیشتەجێبوونی تابلۆ مۆڵ لە شاری کەلار، لەگەڵ لایەنی پەیوەندیدار کۆبوەوە.
لە سەرەتای کۆبوونەوەکە سەڵاح کوێخا سەرپەرشتیاری ئیدارەی گەرمیان، کێشە و کەموکورتییەکانی پرۆژەکەی خستەڕوو، ئەوەشی راگەیاند، کە ئیدارەی گەرمیان لە رێگەی لیژنەی ئەندازیاری پسپۆرەوە، بەدواداچونی بۆ کێشە و کەموکورتی پرۆژەی تابلۆ سیتی کردووە. هاوکات، سەرپەرشتیاری ئیدارەی گەرمیان جەختی لەوەکردەوە، پێویستە داواکارییەکانی بەشداربوانی پرۆژەی تابلۆ سیتی کە داوادەکەن کێشە و ک۳موکورتییەکان چارەسەر کرێن، بەهەند وەربگیرێن.
هەر لە کۆبونەوەکە ئەوەش خرایەڕوو، جگە لە کەموکورتییەکانی یەکەکانی پرۆژەکە، تا ئێستاش کێشەی ئاو و کارەبای چارەسەر نکراون. هەر لە کۆبونەوەکە، سەبارەت بە کەمووکورتییەکانی پرۆژەکە، نوینەرایەتی نوسینگەی ئەندازیاری راوێژکاری پرۆژە ئەوەی خستەڕوو، کە بەهۆی ئەوەی پێشتر ئەم پرۆژەیان لا نەبووە و چەند جارێک راوەستاوە کێشە لە پرۆژەکە دروست بووە.
لە کۆتایی کۆبونەوەکەشەدا، بە کۆی دەنگ بڕیاردرا، کە تەواوی کەموکورتیەکانی پرۆژەکە بە نوسراوی فەرمی ئاراستەی بەڕێوەبەرایەتی گشتی وەبەرهێنان بکرێت بەمەبەستی گرتنەبەری رێکارەکان و چارەسەرکردنیان.
473 جار خوێندراوهتهوه |
|