به‌سه‌رپه‌رشتی سه‌ڵاح كوێخا  سه‌رپه‌رشتیاری ئیداره‌ی گه‌رمیان و به‌ئاماده‌بوونی قایمقامی قه‌زاكانی كه‌لار و كفری و به‌ریوه‌به‌ری بەڕێوەبەرایەتى نه‌وت و كانزاكانی گه‌رمیان و لایه‌نه‌ په‌یوه‌ندیداره‌كانیتر كۆبوونه‌وه‌یه‌ك له‌دیوانی ئیداره‌ی گه‌رمیان  سه‌باره‌ت به‌ ریكخستنه‌وه‌ی كاری به‌نزینخانه‌ بێ مۆڵه‌ته‌كانی سنووره‌كه‌ ئه‌نجامدرا.

سه‌ره‌تای كوبونه‌وه‌كه‌ سه‌ڵاح كوێخا سه‌رپه‌رشتیاری ئیداره‌ی گه‌رمیان پشتیوانی ئیداره‌ی گه‌رمیانی له‌ڕێكخستنه‌وه‌ی كاری فرۆشتنی به‌نزین و كۆنترۆڵكرنی له‌چوارچیوه‌ی یاساو رینماییه‌كاندا دووپاتكرده‌وه‌.

هاوكات له‌كوبوونه‌وه‌كه‌دا بریاردرا كه‌هه‌موو ڕێگایه‌كی پیویست بگیرێته‌به‌ر بۆریكخستنه‌وه‌ی كاری فرۆشتنی به‌نزین.

هه‌روه‌ك بڕیاردرا له‌هه‌فته‌ی داهاتووه‌وه‌ به‌ڕێوه‌به‌رایه‌تی نه‌وت و كانزاكانی گه‌رمیان به‌هه‌ماهه‌نگی له‌گه‌ڵ یه‌كه‌ئیدارییه‌كانی سنووره‌كه‌دا كاره‌كانیان له‌چوارچیوه‌ی یاساو ڕینماییه‌كان ده‌ست پیبكه‌ن بۆریكخستنه‌وه‌ی كاری به‌نزینخانه‌ بێ موڵه‌ته‌كان و فروشیارانی به‌نزین له‌سه‌ر شوسته‌كان.