به‌شی هونه‌ری هۆبه‌ی تۆمار له‌به‌ڕیوه‌به‌رایه‌تی هاتووچۆی گه‌رمیان كرایه‌وه
30 / 10 / 2019
ئه‌مڕۆ(30 تشرینی یه‌كه‌م) به‌چاودێری (سه‌ڵاح كویخا) سه‌رپه‌رشتیاری ئیداره‌ی گه‌رمیان و به ئاماده‌بوونی عه‌مید (فه‌ره‌یدون عومه‌ر) به‌ڕێوه‌به‌ری گشتی هاتووچۆی سلێمانی و عه‌مید (محسن مه‌نصور) به‌ڕێوه‌به‌ری هاتووچۆی گه‌رمیان و ژماره‌یه‌ك له به‌رپرسانی حیزبی و حكومی و هاووڵاتیانی ناوچه‌كه به‌شی هونه‌ری هۆبه‌ی تۆمار له‌به‌ڕێوه‌به‌رایه‌تی هاتووچۆی گه‌رمیان كرایه‌وه ، له‌مه‌راسیمی كردنه‌وه‌ی ئه‌وبه‌شه‌دا سه‌رپه‌رشتیاری ئیداره‌ی گه‌رمیان ووته‌یه‌كی پێشكه‌شكرد كه‌تیایدا ئاماژه‌ی به‌گرنگی ئه‌و هه‌نگاوه‌ی حكومه‌تی هه‌ریم و وه‌زاره‌تی ناوخۆ و به‌ریوه‌به‌رایه‌تی گشتی هاتووچۆی هه‌ریم كرد بۆخزمه‌تی هاووڵاتیانی ناوچه‌كه‌و ستایشی ڕۆڵی به‌ڕێوه‌به‌رایه‌تی هاتووچۆی پارێزگای سلێمانیكرد له‌به‌ده‌نگه‌وه‌هاتنیان بۆ به‌ئه‌نجام گه‌یاندنی پرۆسه‌كه وهه‌وڵه‌كانی سه‌رجه‌م ئه‌فسه‌ران و كارمه‌ندانی هاتووچۆی به‌رزنرخاند به‌تایبه‌ت ئه‌و تیمانه‌ی كه‌له‌پارێزگای سلێمانییه‌وه هاتوونه‌ته‌گه‌رمیان و كاریان كردووه بۆخستنه‌سه‌رپێی ئه‌م پرۆسه‌یه ، سه‌رپه‌رشتیاری ئیداره‌ی گه‌رمیان ئه‌م هه‌نگاوه‌ی به‌خزمه‌تێكی گه‌وره‌ی حكومه‌تی هه‌رێمی كوردستان ناوهینا بۆ هاووڵاتیانی سنوره‌كه ، ووتیشی گفتوگۆكانمان له‌گه‌ڵ به‌ڕێوه‌به‌رایه‌تی هاتووچۆی سلێمانی ده‌ستپێكردووه و بڕیاریشه له‌ئه‌مڕۆوه كاربكرێت بۆئه‌وه‌ی له‌ئاینده‌دا هه‌ر له‌گه‌رمیان تابلۆی ئۆتۆمبێل بدریت به‌هاووڵاتیانی سنوره‌كه... عه‌مید (فه‌ره‌یدون عومه‌ر) به‌ڕێوه‌به‌ری هاتووچۆی سلێمانی تیشكی خسته‌سه‌ر گرنگی پرۆژه‌كه و ڕه‌نگدانه‌وه‌ی له‌سه‌ر كاروباری ڕۆژانه‌ی هاووڵاتیان به‌تایبه‌ت خاوكردنه‌وه‌ی فشاره‌كان و گه‌ڕانه‌وه‌ی كات بۆ گه‌رمیانییه‌كان و كه‌مكردنه‌وه‌ی لۆدی سه‌رشه‌قامه‌كان... ئاڵوگۆڕی خاوه‌نداریتی و نوێكردنه‌وه‌ی ساڵانه‌ی ئۆتۆمبێڵ له‌به‌شی هونه‌ری هۆبه‌ی تۆماری هاتووچۆی گه‌رمیان به‌ئه‌نجام ده‌گه‌یه‌نرێت به‌جێبه‌جێكردنی ئه‌م پرۆژه‌یه‌ش به‌ڕێوه‌به‌رایه‌تی هاتووچۆی گه‌رمیان كه‌وتۆته چوارچێوه‌ی تۆڕی ئه‌لیكترۆنی سمارتی زیره‌ك كه‌دامه‌زراوه‌ی هاتووچۆی هه‌رێم كاری پیده‌كات.
| 850 جار خوێندراوه‌ته‌وه |
|
|
|