ئه‌مڕۆ(22ی ئازار)ژوری ئۆپه‌راسیۆنه‌كانی ئیداره‌ی گه‌رمیان به‌سه‌رپه‌رشتی سه‌رپه‌رشتیاری ئیداره‌ی گه‌رمیان و ئاماده‌بوونی ئه‌ندامه‌كانی كۆبووه‌وه‌.
له‌سه‌ره‌تای كۆبونه‌وه‌كه‌دا سه‌رپه‌رشتیاری ئیداره‌ی گه‌رمیان پیرۆزبایی جه‌ژنی نه‌ورۆزی له‌ئاماده‌بووانی كۆبونه‌وه‌كه‌و دانیشتوانی گه‌رمیان و سه‌رجه‌م خه‌ڵكی كوردستان كرد و ئومێدی خواست هه‌رله‌خۆشی و كامه‌رانیدا بژین
سه‌ڵاح كوێخا به‌گرنگییه‌وه‌ باسی ئه‌و هه‌نگاوانه‌ی كرد كه‌ له‌پێناو سه‌لامه‌تی هاووڵاتیاندا گیراوه‌ته‌به‌ر و سوپاسی هێزه‌ ئه‌منییه‌كان و پزیشك و كارمه‌ندانی ته‌ندروستی و سه‌رجه‌م ئه‌و كاسانه‌كرد كه‌له‌پێناو به‌رژه‌وه‌ندی گشتیدا ئه‌رك ده‌بینن، سوپاسی دان به‌خۆداگرتنی هاووڵاتیانیكرد كه‌ له‌ماڵه‌كانیان ماونه‌ته‌وه‌و داواشیكرد زیاتر له‌وه‌ی كه‌هه‌یه‌ پابه‌ندی رینماییه‌كان بن و هه‌ر له‌ماڵه‌وه‌ بمێننه‌وه‌.
ووتیشی پشت به‌خوا و به‌هیمه‌تی هه‌مولایه‌ك له‌سنوره‌كه‌دا كاری باشكراوه‌ ریگری زۆر له‌و كه‌سانه‌كراوه‌ ویستویانه‌ پێچه‌وانه‌ی بڕیاره‌كان ڕه‌فتار بكه‌ن مایه‌ی دڵخۆشییه‌ كه‌ گه‌رمیان پارێزراوه‌، به‌ڵام داوامان وایه‌ هاووڵاتیان غافڵ نه‌بن و به‌باشی پابه‌ندی بڕیار و ڕینماییه‌كان بن.

له‌كۆبونه‌وه‌كه‌دا گفتوگۆكرا له‌باره‌ی پێشهاتی نوێ ی وسه‌رنج و تێروانینی ئاماده‌بوان وه‌رگیراو بڕیاری پێویستیان له‌باره‌وه‌ درا:

یه‌كه‌م:ژووری ئۆپه‌راسیۆن جه‌خت ده‌كاته‌وه‌ له‌ جێبه‌جێكردنی بڕیار و ڕاسپارده‌كانی وه‌زاره‌تی ناوخۆ كه‌له‌پێناو به‌رژه‌وه‌ندی هاووڵاتیاندا دراون.

دووه‌م:داخستنی سه‌رجه‌م ئه‌و به‌نزینخانانه‌ی كه‌پێیان ده‌وترێت وێستگه‌ی موبایل و هێشتنه‌وه‌ی به‌نزینخانه‌ ڕه‌سمییه‌كان به‌و مه‌رجه‌ی رینماییه‌ ته‌ندروستی و خۆپارێزییه‌كان به‌باشی جێبه‌جێبكه‌ن.

سێیه‌م:ڕاسپاردنی لایه‌نه‌كانی ته‌ندروستی و شاره‌وانی و كشتوكاڵی گه‌رمیان له‌گه‌ڵ قائیمقامیبه‌تی قه‌زای كه‌لار بۆڕێكخستنه‌وه‌و توندوتۆڵكردنی كاروباری تایبه‌ت به‌عه‌لوه‌ی كه‌لار و هه‌ر بڕیارێك پێویست بێت بدریت.

چواره‌م:جوڵه‌ی بازرگانی به‌شیوه‌یه‌كی سنوردار به‌ڕیوه‌ده‌چیت وبڕیاره‌كانی وه‌زاره‌تی ناوخۆ و ژوری ئۆپه‌راسیۆنه‌كانی ئیداره‌ی گه‌رمیان بۆ سنورداركردنی جوڵه‌ی بازرگانی وه‌كو خۆی جێبه‌جێده‌كریت.

پێنجه‌م: ڕیگری ده‌كریت له‌گرانبوونی نرخ و ریكاری یاسایی توند ده‌گیرێته‌به‌ر له‌گه‌ڵ هه‌ركه‌سێك بیه‌وێت قۆرخكاری بكات.
شه‌شه‌م: ئه‌وبازرگانانه‌ی خواردن و كه‌ره‌سته‌ی ڕۆژانه‌ی هاووڵاتیان دابینده‌كه‌ن پابه‌ند ده‌كرین به‌ ڕێنماییه‌كانی چاودێری بازرگانی و ده‌بیت له‌چوارچیوه‌ی پلانێكی ڕیكخراودا شتومه‌كه‌كانیان به‌سه‌ر بازاڕه‌كاندا دابه‌ش بكه‌ن.

حه‌وته‌م:كشتوكاڵی گه‌رمیان ناسنامه‌ و باجی تایبه‌ت بۆ جوتیاران و هه‌نگه‌وانان و خاوه‌ن كێڵگه‌ی په‌له‌وه‌رییه‌كان دروست ده‌كات بۆئه‌وه‌ی ئاسانكارییان بۆبكریت به‌و مه‌رجه‌ی له‌چوارچێوه‌ی یاسا و بڕیاره‌كاندا بیت و هیچ ناهه‌مووارییه‌ك دروست نه‌كات.

هه‌شته‌م:كه‌س له‌یاسا گه‌وره‌تر نیه‌ و بڕیاری قه‌ده‌غه‌كردنی هاتووچۆ هه‌مو ئۆتۆمبیلێك ده‌گریته‌وه‌ جگه‌ له‌وانه‌ی له‌چوارچێوه‌ی بڕیار و ڕێنماییه‌كاندا ڕێگه‌یان پێدراوه‌.

نۆیه‌م:كاری خێرخوازی ڕێكخراوه‌ خێرخوازییه‌كان و دابه‌شكردنی شتومه‌كه‌كانیان له‌لایه‌ن ژوری ئۆپه‌راسیۆنی قائیمقامیه‌ته‌كانه‌وه‌ ڕیكده‌خریت.

ده‌یه‌م:ڕێگریكردن له‌ دروست بوونی قه‌ره‌باڵه‌غی هاووڵاتیان له‌ شوێنه‌ گشتییه‌كاندا ڕاسپاردنی ژووری ئۆپه‌راسیۆنی قائیمقامیه‌تی قه‌زاكان بۆ جێبه‌جێكردنی بڕیاره‌كانی حكومه‌ت.

یانزه‌یه‌م:ده‌ستپێكردنی هه‌ڵمه‌تی هۆشیاری و بڵاوكردنه‌وه‌ی ڕینماییی به‌هه‌ماهه‌نگی له‌نێوان قائیمقامیه‌تی قه‌زاكان و به‌ڕیوه‌به‌رایه‌تییه‌كانی هاتووچۆ و ته‌ندروستی به‌نێو كۆڵان و گه‌ڕه‌كه‌كاندا.

ئه‌م بڕیارانه‌ له‌ ڕۆژی ده‌رچونیه‌وه‌ جێبه‌جێده‌كریت