ئامادەکاری دەکرێت نەوتی سپی بەسەر ماڵاندا دابەشبکرێت
24 / 8 / 2020
بەیانی ئەمڕۆ(یونس ئەحمەد) جێگری سەرپەرشتیاری ئیدارەی گەرمیان لەڕێگەی ڤیدیۆ کۆنفرانسەوە بەشداریکرد لە کۆبونەوەی هاوبەشی پارێزگاو ئیدارەسەربەخۆکان تایبەت بەپرسی دابینکردنی نەوتی سپی بۆ هاووڵاتیان، لەکۆبونەوەکەدا کەبەسەرپەرشتی ڕاستەوخۆی وەزارەتی ناوخۆ و بەهەماهەنگی لەگەڵ وەزارەتی سامانەسروشتییەکانی حکومەتی هەرێم سازکرابوو، جەختکرایەوە لەپێویستی دابینکردنی نەوتی سپی بۆ هاووڵاتیان و بڕیاردرا هەرچی زووە میکانیزمی پێویست بۆ ئەومەبەستە بخرێتە ڕوو بۆئەوەی پێش وەرزی زستان بەشەنەوت بەسەر هاووڵاتیاندا دابەشبکرێت. لەوچواچێوەیەشدا ئیدارەی گەرمیان پێویستییەکانی سنوورەکە دیاریدەکات و ئاراستەی لایەنەپەیوەندیدارەکانی دەکات.
794 جار خوێندراوهتهوه |
|
|
|