ئەمڕۆ (29ی تشرینی دووەم) میحوەری قەرەتەپە – حەمرینی هێزەكانی پێشمەرگە سەردانی ئیدارەی گەرمیانی كرد و خەڵاتی رێزلێنانی بەخشیە سەرپەرشتیاری ئیدارەی گەرمیان.

لەو سەردانەدا، لیوا مەردان چاوشین لێپرسراوی میحوەر قەرەتەپە حەمرینی هێزەكانی پێشمەرگە، هیوای سەركەوتنی بۆ سەرپەرشتیاری ئیدارەی گەرمیان خواست و ئەوەی خستەڕوو، ئیدارەی گەرمیان هەمیشە هاوكار و هەماهەنگ بووە لەگەڵ میحوەرەكەیان و جەختیشی لە گرنگی پەیوەندی و هەماهەنگییەكان كردوە.

لای خۆیەوە، جەلال نوری سەرپەرشتیاری ئیدارەی گەرمیان رۆڵی هێزەكانی پێشمەرگە بەگشتی و میحوەری قەرەتەپە حەمرینی بەرز نرخاند لە روبەروبونەوەی تیرۆریستان و پاراستنی ئەمنیەتی ناوچەكە، هەروەك ئامادەیی ئیدارەی گەرمیانیشی پیشاندا، بۆ پتەوكردنی پەیوەندییەكان و هاوكاریی و هەماهەنگی نێوان هەردولا.

دوابەدوای دیدارەكەش، لیوا مەردان چاوشین خەڵاتی رێزلێنانی میحوەری قەرەتەپە-حەمرینی بەخشیە جەلال نوری سەرپەرشتیاری ئیدارەی گەرمیان لەبەرامبەر رۆڵی لە هاوكاریكردنی میحوەرەكەیان.