پەیامی سەرپەرشتیاری ئیدارەی گەرمیان بە بۆنەی جەژنی رەمەزانەوە
16 / 5 / 2021
بەناوی خوای گەورە و میهرەبان بەبۆنەی هاتنەوەی جەژنی رەمەزانەوە، بەناوی ئیدارەی گەرمیانەوە پیرۆزبایی گەرمی خۆمان ئاڕاستەی كۆمەڵانی خەڵكی كوردستان بەگشتی و گەرمیان بە تایبەتی و خانەوادەی سەربەرزی شەهیدان و زیندانیانی سیاسی و هێزەكانی پێشمەرگە و ئاسایش و ناوخۆ و تەواوی كارمەندان و فەرمانبەران و مامۆستایان و سەرجەم چین و توێژەكان دەكەین و داواكارین لە خوای گەورە رۆژو و تاعەتی موسڵمانان قبوڵ بكات. هیوادەخوازین لەم جەژنە پیرۆزەدا، ئاشتی و ئاسایش لە وڵاتەكەماندا بەرقەرار بێت و گیانی لێبوردەیی و پێكەوەژیان پتەوتر بێت لەنێوان كۆمەڵانی خەڵك و تەواوی بیرو باوەڕە جیاوازەكاندا و میللەتەكەمان بە دور بێت لە هەر كێشە و گرفت و پێشهاتێكی نەخوازراو. هەر وەك هیواشدەخوازین، جەژنی رەمەزان ببێتە هەوێنی برایەتی و تەبایی زیاتر و نەمانی مەترسیەكانی ڤایرۆسی كۆرۆنا و هەروەها چارەسەربوونی كۆی قەیرانە دارایی و ئابوری و سیاسیەكان لە كوردستان و تێپەڕاندنی دۆخی ناهەمواری گوزەران و بژێوی هاوڵاتیان بەرەو ژیانێكی شایستە و باشتر، وڵاتمان لەشەڕ و ئاشوب بەدور بێت و ئاسایش و ئاوەدانی و بوژانەوەی زیاتر لە وڵاتەكەماندا بەدیبێت.
دووبارە جەژنی رەمەزان لە هەموو لایەك پیرۆز بێت و هەر شاد و سەرفراز بن.
جەلال نوری سەرپەرشتیاری ئیدارەی گەرمیان 12/5/2021
402 جار خوێندراوهتهوه |
|
|
|