رێكخراوی (GIZ)ی ئەڵمانی لە رێگەی بەڕێوەبەرایەتی كۆچ و كۆچبەران و وەڵامدانەوەی قەیرانەكان لە ئیدارەی گەرمیان، لەماوەی ساڵی رابردوودا سێ پرۆژەی لەبوارەكانی تەندروستی و ئاو و كارەبا لەسنوری ئیدارەی گەرمیان جێبەجێكردووە و بڕیارە لەمساڵیشدا دوو پرۆژەی تر لە سنورەكە جێبەجێبكات.

بەپێی ئامارێكی بەڕێوەبەرایەتی كۆچ و كۆچبەران و وەڵامدانەوەی قەیرانەكان لە ئیدارەی گەرمیان، رێكخراوی (GIZ)ی ئەڵمانی لەساڵی ٢٠٢٠دا دوو پرۆژەی لە سنوری قەزای كفری جێبەجێكردووە بە تێچووی ١٠٤ ملیۆن دینار و یەك پرۆژەی بە تێچووی 24 ملیۆن دینار لە سنوری كەلار جێبەجێكردووە.

هەر بەپێی ئامارەكە، رێكخراوی (GIZ)ی ئەڵمانی لەمساڵدا دوو پرۆژە لە گەرمیان ئەنجامدادات بۆ فراوانكردن و دروستكردنی هۆڵی نەشتەگەری لە نەخۆشخانەكانی شەهید خالد گەرمیانی لە كفری و شەهید شێرەی نەقیب لە كەلار.