ئێوارەی ئەمڕۆ (٦ی کانوونی یەکەم) بەلادانی پەردە لەسەر پەیکەرەکەی، مەراسیمی یادی چوار ساڵەی شەهیدبوونی (مقەدەم سمکۆی ئاسایش) لە کەلار بەڕێوەچوو.

مەراسیمەکە لەلایەن مەڵبەندی گەرمیانی یەکێتی نیشتمانی کوردستان ئەنجامدرا و تیایدا، بنەماڵەی شەهید سمکۆ و ژمارەیەکی زۆر لە بەرپرسانی حزبی و حکومی و ئەمنی و سەربازی ئامادەی بوون.

لە مەراسیمەکەدا، تاجەگوڵینەی رێز و وەفاداری، جەلال شێخ نوری سەرپەرشتیاری ئیدارەی گەرمیان و بەرپرسان و لایەنە سیاسیەکان دانرا و چەند چالاکیەکی هونەری و ئەدەبی کە گوزارشت بوون لە ژیانی شەهید ئەنجامدران.

شەهید مقەدەم سمکۆی ئاسایش، پێشمەرگەی دێرین و ئەفسەری باڵای هێزەکانی ئاسایش، لە ساڵی ٢٠١٩ لەو کاتەی کە بەڕێوەبەری ئاسایشی کۆکس بوو، لەلایەن تیرۆریستانی داعشەوە شەهیدکرا.