سەرپەرشتیارى ئیدارەى گەرمیان پێشوازى لە بەرپرسى مەڵبەندى گەرمیانى کۆمەڵى ئیسلامى کرد
11 / 9 / 2019
ئەمڕۆ ١١ى ئەیلول بەرپرسى مەڵبەندى گەرمیانى کۆمەڵى ئیسلامى و شاندێکى یاوەرى سەردانى ئیدارەى گەرمیانى کرد و لەلایەن سەرپەرشتیارى ئیدارەى گەرمیانەوە پێشوازیان لێکرا.
لە دیدارى نێوانیان، حەسەن محەمەد، بەرپرسى مەڵبەندى گەرمیانى کۆمەڵى ئیسلامى ئەوەى خستەڕوو، ئەمڕۆ بەمەبەستى پتەوکردنى پەیوەندییەکانى نێوان هەردولا سەردانیان کردووە.
دواتر باس لە پرۆژە خزمەتگوزارییەکانى گەرمیان کراو بەرپرسى مەڵبەندى کۆمەڵى ئیسلامى پشتیوانى حزبەکەى بۆ خزمەتى گەرمیان و سنورەکە دوپاتکردەوە.
دواتر، سەڵاح کوێخا سەرپەرشتیارى ئیدارەى گەرمیان جەختى لە گرنگى پەیوەندى ئیدارەى گەرمیان و لایەنە سیاسییەکان کردەوە و ئەوەى خستەڕوو، ئیدارەى گەرمیان پەیوەندى پتەوى لەگەڵ لایەنە سیاسییەکان هەیە و ئەوەش وایکردوەوە لێکتێگەیشتنى باش لە نێوان هەردولا هەبێت.
| 478 جار خوێندراوه‌ته‌وه |
|
|
|