پاش ئەوەی لە ماوەی ڕابردوودا لە ڕێگای تۆڕە کۆمەڵایەتییەکانەوە لە لایەن هاوڵاتییەکی دانیشتووی کەلار بەناوی(ع  ا) بانگەوازێک بڵاوکرایەوە سەبارەت بە تۆمەتبارێک بەناوی(ش ح ف)دانیشتووی کفری کە بە هۆی کێشەی کۆمەڵایەتییەوە هەڕەشەی لێیان کردووەو هەروەها تەقەشی لە ماڵیان کردووە.

پاش ئەوەی لە سەر بڕیاری بەرێز دادوەری لێکۆڵینەوە دۆسێکە ڕادەستی بەرێوەبەرایەتی ئاسایشی گەرمیان دەکرێت دەست بە جێ هێزەکانی بەرێوەبەرایەتی ئاسایشی گەرمیان دەست بە لێکۆڵینەوی وورد و بە دواداچوونی تەواو دەکەن سەبارەت بە دەستگیرکردنی تۆمەتباری ناوبراو و ڕوو بە ڕووکردنەوەی بەدادگا .

سەرەنجام رۆژی16/8/2020تۆمەتباری ناوبراو خۆی تەسلیم بە هێزەکانی بەرێوەبەرایەتی ئاسایشی گەرمیان دەکات و لە کاتی لێکۆڵینەوەدا دانی بەوەدا ناوە کە(3)سێ کەسی دیکەی لەگەڵدا بووە لەکاتی ئەنجامدانی تەقەکردنەکەدا,پاشان  توانرا لە سەر بڕیاری بەرێز دادوەری لێکۆڵینەوە دوو لەو تۆمەتبارانە دەستکیربکرێن و هەوڵەکانیش بەردەوامە بۆ دەستگیرکردنی تۆمەتباری چوارەم کە لە دەرەوەی سنووری گەرمیان خۆی حەشار داوە.

لە سەر بڕیاری بەرێز دادوەری لێکۆڵینەوەی ئاسایشی گەرمیان تۆمەتبارەکان بە پێێ ماددەی(430)ی (ی س ع) ڕاگیراون و لێکۆڵینەوەش بەردەوامە.

هاوڵاتیان و دانیشتوانی سنووری گەرمیان دڵنیادەکەینەوە هەر کەس و لایەنێک بیەوێت ئارامی و ئاسایشی سنوورەکە تێک بدات بە توندی ڕووبەڕووی دەبینەوەو ڕێوشوێنی یاسایی بەرامبەری دەگرینە بەر و ڕادەستی دادگا دەکرێت.

                                                                  ئاسایشی گەرمیان

                                                                              ڕاگەیاندن و پەیوەندیەکان