ئەمڕۆ (19ی تشرینی دووەم) سەرپەرشتیاری ئیدارەی پێشوازیكرد لە سەرۆكی یەكێتی مامۆستایانی كوردستان و جێگرەكەی و شاندی یاوەری.

 

لەو سەردانەیان بۆ ئیدارەی گەرمیان م.ئەحمەد گەرمیانی سەرۆكی یەكێتی مامۆستایان هیوای سەركەوتنی بۆ سەرپەرشتیاری ئیدارەی گەرمیان خواست و ئەوەی خستەڕوو، ئەوان وەك یەكێتی مامۆستایان پەیوەندییەكی پتەویان لەگەڵ ئیدارەی گەرمیان هەیە و ئەمڕۆ لە چوارچێوەی پەیوەندییەكان و هەماهەنگی و كاری هاوبەش سەردانەكەیان ئەنجامداوە.

ووتیشی، ئیدارەی گەرمیان هەمیشە هاوكار و پشیتوانی لقی گەرمیانی یەكێتی مامۆستایان بووە و بەدەم داواكاریاكانەوە هاتووە و ئەوەش جێگەی دەستخۆشیە.

لای خۆیەوە، جەلال نوری سەرپەرشتیاری ئیدارەی گەرمیان خۆشحاڵی خۆی دەربِری لە سەردانەكەی سەرۆكی یەكێتی مامۆستایان و شاندی یاوەری، جەختیشی كردەوە، لە پتەوكردنی پەیوەندی نێوان هەردوولا ئیدارەی گەرمیان.

ووتیشی، مامۆستایان چینێكی گرنگی كۆمەڵگەن و ئەركی قورسی پەروەردەییان لەسەر شانە، ئێمە رێز لەم چینە گرنگەی كۆمەڵگە دەگرین، هەر داواكاری و داخوازییەكی هەبێت بەهەند وەریدەگرین و كاری لەسەر دەكەین.