سەرپەرشتیاری ئیدارەی گەرمیان پێشوازی لە ستافی مەڵبەندی رۆشنبیری و كۆمەڵایەتی ساداتی پیرخدری شاهۆ كرد
12 / 7 / 2021
ئەمڕۆ (12ی تەمموز) سەرپەرشتیاری ئیدارەی گەرمیان پێشوازیكرد لە بەرپرس و ستافی مەڵبەندی رۆشنبیری و كۆمەڵایەتی ساداتی پیرخدری شاهۆ و لە دیداری نێوانیان باس لە هەماهەنگی نێوان هەردولا كرا. لەو سەردانەدا شێخ موزەفەر شێخ حەسەن، بەرپرسی مەڵبەندی رۆشنبیری و كۆمەڵایەتی ساداتی پیرخدری شاهۆ رایگەیاند، ئەوان وەك مەڵبەندەیان ئەمڕۆ هاتوون بۆ گەرمیان بەمەبەستی سەردانیكردنی ئیدارەی گەرمیان و كەسایەتی و لایەنەكانی تر بۆ هەماهەنگی و پتەوكردنی پەیوەندیەكانیان.
ووتیشی، مەڵبەندەكەمان بۆ ماوەی 14 ساڵە دامەزراوە و لە ماوەی ئەو ساڵانەدا چەندین چالاكی و كۆڕی رۆشنبیری و كۆمەڵایەتیمان سازداوە و كارمان لەسەر پتەوكردنی پەیوەندیە كۆمەڵایەتیەكان و پەرەپێدانی بواری رۆشنبیری ئاینی و رۆشنبیری گشتی كردووە.
لای خۆیەوە، جەلال نوری سەرپەرشتیاری ئیدارەی گەرمیان خۆشحاڵی خۆی دەربری بۆ سەردانەكەیان و تیشكی خستەسەر رۆڵ و پێگەی مەڵبەندەكەیان بۆ چالاكی رۆشنبیری و چەسپاندنی ئاشتی كۆمەڵایەتی، جەختیشی لە گرنگی هەماهەنگی و پەیوەندی نێوان هەردولا كردەوە.
507 جار خوێندراوهتهوه |
|
|
|